െഎ.ടി മേഖലയിൽ ഇനി വറുതിയുടെ കാലം

11:23 AM
13/05/2017

ബംഗളൂരു: ഉയർന്ന ശമ്പളവും സമൂഹത്തിൽ ലഭിക്കുന്ന മാന്യതയും ഇന്ത്യയിൽ എൻജിനയറിങ്​ ജോലികൾക്ക്​ വൻ സ്വീകാര്യത നേടിക്കൊടുത്തിരുന്നു. ആഗോള-ഉദാരവൽക്കരണ നയങ്ങൾക്ക്​ ശേഷം രാജ്യത്ത്​ എഞ്ചിനീയറിങ്​ മേഖലയിൽ വൻപുരോഗതിയാണ്​ ഉണ്ടായത്​. 2000ത്തിന്​ ശേഷം ​െഎ.ടി മേഖലയിൽ ഉണ്ടായ വളർച്ച ആരെയും അമ്പരിപ്പിക്കുന്നതായിരുന്നു. തുടക്കത്തിൽ തന്നെ  മേഖലയിലെ ജോലികൾക്ക്​ പതിനായരങ്ങൾ ശമ്പളമായി ലഭിച്ചതും ഇൗ സെക്​ടറി​നോടുള്ള ആകർഷണം വർധിക്കുന്നത്​ കാരണമായി.

 എന്നാൽ 2008ലെ സാമ്പത്തിക മാന്ദ്യം കാര്യങ്ങൾ കീഴ്​മേൽ മറിച്ചു. പിന്നീടുള്ള വർഷങ്ങളിൽ ആദ്യ ഘട്ടത്തിലുണ്ടായിരുന്ന പുരോഗതി ​െഎ.ടി മേഖലക്ക്​ പൂർണമായും കൈവരിക്കാൻ സാധിച്ചിരുന്നില്ല. എങ്കിലും വലിയ പ്രശ്​നങ്ങളില്ലാതെ മുന്നോട്ട്​ പോവു​േമ്പാഴാണ്​ വീണ്ടും പ്രതിസന്ധിയുടെ കാർ മേഘങ്ങൾ ​െഎ.ടി മേഖലക്ക്​ മുകളിൽ ഉരുണ്ട്​ കൂടുന്നത്​.

പ്രതിസന്ധിയുടെ മുഖ്യ കാരണം ലോക രാഷ്​ട്രീയത്തിലുണ്ടായ ഗതിമാറ്റം തന്നെയാണ്​. അമേരിക്കയിൽ ട്രംപ്​ അധികാരമേറ്റെടുത്ത​തോടെ ഇന്ത്യൻ ​െഎ.ടി മേഖലക്ക്​ കനത്ത തിരിച്ചടിയുണ്ടായി. അമേരിക്ക ആദ്യം എന്ന നയമാണ്​ ട്രംപ്​ പിന്തുടരുന്നത്​​. ഇതോടെ ഇന്ത്യൻ തൊഴിലാളികളെ പരമാവധി ഒഴിവാക്കി അമേരിക്കയിലെ ​വിദഗ്​ധൻമാരെ ​ജോലിക്ക്​വെക്കാൻ ഇന്ത്യൻ ​െഎ.ടി കമ്പനികൾ നിർബന്ധിതരായി. 

ആകെ തൊഴിലാളികളുടെ എണ്ണത്തിൽ 2.3 ശതമാനത്തെ പിരിച്ച്​ വിടാനാണ്​ രാജ്യത്തെ മുൻനിര ​െഎ.ടി കമ്പനിയായ കോഗ്​നിസ​െൻറി​​െൻറ നീക്കം. എകദേശം 2000 തൊഴിലാളികളെയാണ്​ ഇത്തരത്തിൽ ഒഴിവാക്കുക. 3,500 പേരെ ഇൻഫോസിസും ഒഴിവാക്കും. വിപ്രോയും ഇതേ പാതയിലാണ് മുന്നോട്ട്​ പോവുന്നത്​​. വർഷംതോറും പ്രകടനത്തി​​െൻറ അടിസ്ഥാനത്തിൽ 20,000 ജോലിക്കാരെയെങ്കിലും ​െഎ.ടി കമ്പനികൾ ഒഴിവാക്കാറുണ്ട്​. അതിന്​ പകരമായി പുതിയ റിക്രൂട്ട്​മ​െൻറ്​ നടത്താറുമുണ്ട്​. എന്നാൽ ഇൗ വർഷം ഒഴിവാക്കിയവർക്ക്​ പകരമായി പുതിയ ആളുകളെ നിയമിക്കേണ്ടെന്നാണ്​ കമ്പനികളുടെ തീരുമാനം. കമ്പനികളുടെ എച്ച്​.ആർ ഡിപ്പാർട്ടുമ​െൻറുകളും ഇതുസംബന്ധിച്ച സൂചന നൽകി കഴിഞ്ഞു.


മുൻ വർഷങ്ങളിൽ നിന്ന്​ വ്യത്യസ്​തമയി ഉയർന്ന തസ്​തികകളിലുള്ളവരെയാണ്​ കമ്പനികൾ ഒഴിവാക്കുന്നതെന്ന പ്രത്യേകതയുമുണ്ട്​. പ്രൊജക്​ട്​ മാനേജർ, സീനിയർ ആർകിടെക്​ തുടങ്ങിയ തസ്​തികകളിലുള്ളവരെയാണ്​ ഇൻഫോസിസ്​ ഒഴിവാക്കുന്നത്​. ഒമ്പത്​ മാസത്തെ ശമ്പളം മുൻകൂറായി വാങ്ങി വിരമിക്കാനുള്ള അവസരം കോഗ്​നിസ​െൻറും ഉയർന്ന തസ്​തികയിലുള്ള ജീവനക്കാർക്ക്​ നൽകിയിരുന്നു. ​ഉയർന്ന ശമ്പളമുള്ളവരെ ഒഴിവാക്കുന്നത്​ വഴി ചെലവ്​ ഒരു പരിധി വരെ പിടിച്ച്​ നിർത്താമെന്ന കണക്കുകൂട്ടലിലാണ്​ കമ്പനികൾ.

​െഎ.ടി കമ്പനികളിലെ തൊഴിലില്ലായ്​മ ഇന്ത്യയിലെ എൻജിനയറിങ്​ പഠന മേഖലയെ ഉൾപ്പടെ പ്രതികൂലമായി ബാധിക്കും. നിലവിൽ പല എൻജിനയറിങ്​ കോളജുകളിലും സീറ്റുകൾ ഒഴിഞ്ഞ്​ കിടക്കുന്ന സാഹചര്യമാണ്​ ഉള്ളത്​. പ്രതിസന്ധി കനക്കുന്നതോടെ കൂടുതൽ കോളജുകൾക്ക്​ താഴ്​ വീഴും. അധ്യാപനം ഉൾപ്പടെ നിരവധി പേർക്ക്​ എൻജിനയറിങ് പഠന​മേഖലയിൽ തൊഴിൽ ലഭിക്കുന്നുണ്ട്​. ഇവരുടെ തൊഴിൽ നഷ്​ടമാവുന്ന സാഹചര്യവും ഇത്​ സൃഷ്​ടിക്കും.

Loading...
COMMENTS