ഫ്ലിപ്​കാർട്ടിൽ പിടിമുറിക്കി വാൾമാർട്ട്​; ഒാഹരികൾ വാങ്ങാനുള്ള നീക്കത്തിന്​ അംഗീകാരം

16:48 PM
04/05/2018
flipwall

മുംബൈ: ഇന്ത്യയുടെ സ്വന്തം ഒാൺലൈൻ ഷോപ്പിങ്​ സൈറ്റായ ഫ്ലിപ്​കാർട്ടിൽ പിടിമുറുക്കാ​െനാരുങ്ങി റീടെയിൽ ഭീമനായ വാൾമാർട്ട്​. 15 ബില്യൺ ഡോളറിന്​ ഫ്ലിപ്​കാർട്ടിലെ ഒാഹരികൾ വാൾമാർട്ടിന്​ വിൽക്കാനുള്ള കരാറിന്​ കമ്പനി ബോർഡ്​ അംഗീകാരം നൽകി.

നിലവിലെ കരാറനുസരിച്ച്​ ഫ്ലിപ്​കാർട്ടിൽ ഒാഹരി പങ്കാളിത്തമുള്ള സോഫ്​റ്റ്​ ബാങ്ക്​ അവരുടെ മുഴുവൻ ഒാഹരികളും വാൾമാർട്ടിന്​ വിൽക്കാനാണ്​ സാധ്യത. 10 ദിവസത്തിനുള്ളിൽ ഇക്കാര്യത്തിൽ അന്തിമ തീരുമാനമുണ്ടാകുമെന്നാണ്​ സൂചന. ആഗോളതലത്തിൽ ആമസോണുമായി കടുത്ത മൽസരം നേരിടുന്ന വാൾമാർട്ട്​ കമ്പനിയെ മറികടക്കാനാണ്​ പുതിയ നീക്കവുമായി രംഗത്തെത്തുന്നത്​.

ഇന്ത്യൻ ഒാൺലൈൻ ഷോപ്പിങ്​ സൈറ്റുകളിൽ ഒന്നാം സ്ഥാനം ഫ്ലിപ്​കാർട്ടിനാണ്​. രണ്ടാം സ്ഥാനമാണ്​ ആമസോണിനുള്ളത്​. വാൾമാർട്ട്​ ​കൂടി രംഗത്തെത്തുന്ന​തോടെ വിപണിയിൽ കൂടുതൽ ശക്​തമായ മൽസരമാവും ആമസോണിന്​ നേരിടേണ്ടി വരിക.

COMMENTS