Begin typing your search above and press return to search.
proflie-avatar
Login
exit_to_app
exit_to_app
Homechevron_rightBusinesschevron_rightCorporateschevron_rightതന്നെ തകർത്തത്​ ജിയോ;...

തന്നെ തകർത്തത്​ ജിയോ; തിരിച്ച്​ വരുമെന്ന്​ അനിൽ അംബാനി

text_fields
bookmark_border
ambanis
cancel

ന്യൂഡൽഹി: മുകേഷ്​ അംബാനിയുടെ നേതൃത്വത്തിലുള്ള റിലയൻസ്​ ജിയോക്കെതിരെ പരോക്ഷ വിമർശനവുമായി സഹോദരനും റിലയൻസ്​ കമ്യൂ​ണിക്കേഷൻസ്​ ഉടമയുമായ അനിൽ അംബാനി. സൗജന്യ ഒാഫറുകളിലൂടെ വിപണി പിടിച്ചെടുത്ത പുതിയ ടെലികോം കമ്പനിയാണ്​ റിലയൻസ്​ കമ്യൂണിക്കേഷ​​െൻറ ഇപ്പോഴത്തെ തകർച്ചക്ക്​ പിന്നിലെന്ന്​ അനിൽ അംബാനി പറഞ്ഞു. കഴിഞ്ഞ സെപ്​തംബറിലാണ്​ സൗജന്യ സേവനങ്ങളുമായി മുകേഷി​​െൻറ ഉടമസ്ഥതയിലുള്ള റിലയൻസ്​ ജിയോ ഇന്ത്യയിൽ പ്രവർത്തനം ആരംഭിച്ചത്​. ഇതോടെ മറ്റ്​ മൊബൈൽ കമ്പനികൾ പ്രതിസന്ധിയിലാവുകയായിരുന്നു.

വിവിധ ബാങ്കുകളിൽ നിന്ന്​ കടമെടുത്ത 45,000 കോടി തിരിച്ചടക്കാൻ ഡിസംബർ വരെ സാവകാശം ലഭിച്ചിട്ടുണ്ട്​. സെപ്​തംബറിന്​ മുമ്പായി പണം തിരിച്ചടക്കുന്നതിനുള്ള പദ്ധതികൾ ആവിഷ്​കരിച്ച്​ നടപ്പിലാക്കാൻ സാധിക്കുമെന്നാണ്​ പ്രതീക്ഷയെന്ന്​ അനിൽ പറഞ്ഞു.  പണം തിരിച്ചടക്കുന്നതിൽ വീഴ്​ച വരുത്തിയെന്ന ആരോപണം തെറ്റാണെന്നും അദ്ദേഹം അറിയിച്ചു.

ടെലികോം വരിക്കാർക്ക്​ കൂടുതൽ മികച്ച സേവനം നൽകാനായി ടവർ ബിസിനസ്​ സ്ഥാപനമായ ബ്രൂക്ക്​ ഫീൽഡിന്​ വിൽക്കുന്നതും എയർസെല്ലുമായുള്ള ലയനവും പൂർത്തിയാകുന്നതോടെ 25,000 കോടിയുടെ ബാധ്യത കുറക്കാൻ കഴിയുമെന്നാണ്​ റിലയൻസി​​െൻറ പ്രതീക്ഷ. കടബാധ്യതകളെല്ലാം തീർത്ത്​ വീണ്ടും വിപണിയിലേക്ക്​ തിരിച്ചുവരാൻ സാധിക്കുമെന്നും അനിൽ അംബാനി പ്രതീക്ഷ പ്രകടിപ്പിച്ചു.


 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:anil ambanimukesh ambanirelaince jioMalayalam News
News Summary - anil ambani blame new telecom operator on industry problem
Next Story