Begin typing your search above and press return to search.
proflie-avatar
Login
exit_to_app
exit_to_app
Homechevron_rightBusinesschevron_rightCorporateschevron_rightനിക്ഷേപത്തിന്​...

നിക്ഷേപത്തിന്​ കേന്ദ്രസർക്കാർ അനുമതി തേടി 200ഓളം ചൈനീസ്​ കമ്പനികൾ

text_fields
bookmark_border
നിക്ഷേപത്തിന്​ കേന്ദ്രസർക്കാർ അനുമതി തേടി 200ഓളം ചൈനീസ്​ കമ്പനികൾ
cancel

ന്യൂഡൽഹി: രാജ്യത്ത്​ നിക്ഷേപത്തിന്​ അനുമതി തേടി ചൈനീസ്​ കമ്പനികൾ. ഇന്ത്യയിൽ​ നിക്ഷേപം സാധ്യമാക്കാൻ 200ഓളം ചൈനീസ്​ കമ്പനികൾ സുരക്ഷ അനുമതിക്കായി കേന്ദ്രആഭ്യന്തര മന്ത്രാലയത്തി​െന സമീപിച്ചതായാണ്​ വിവരം. ഏപ്രിലിൽ അംഗീകരിച്ച പുതിയ നിയമപ്രകാരം ചൈന അടക്കമുള്ള അയൽ രാഷ്​ട്രങ്ങളിലെ കമ്പനികൾക്ക്​ രാജ്യത്ത്​ നിക്ഷേപം നടത്തണമെങ്കിൽ കേന്ദ്ര സർക്കാരി​​​െൻറ മുൻകൂർ അനുമതി വേണം. കര അതിർത്തി പങ്കിടുന്ന ചൈന, പാകിസ്​താൻ, ഭൂട്ടാൻ, മ്യാൻമർ, അഫ്​ഗാനിസ്​താൻ, നേപ്പാൾ, ബംഗ്ലാദേശ്​ എന്നീ രാജ്യങ്ങളിൽനിന്നുള്ള കമ്പനികൾക്കാണ്​ നിയമം ബാധകമാകുക. ഇത്തരത്തിൽ രാജ്യത്ത്​ നിക്ഷേപം നടത്തുന്നതിനായി 200ഓളം ചൈനീസ്​ കമ്പനികൾ ആഭ്യന്തര മന്ത്രാലയത്തെ സമീപിച്ചതായി ദ ഹിന്ദു റിപ്പോർട്ട്​ ചെയ്​തു. 

ചൈനീസ്​ നിക്ഷേപങ്ങളിൻമേൽ ഇതുവരെ തീർപ്പുകൽപ്പിച്ചിട്ടില്ല. നിക്ഷേപത്തിനുള്ള നിബന്ധനകൾ കർശനമാക്കിയതോടെ കമ്പനികൾ പിൻവാങ്ങാനാണ്​ സാധ്യതയെന്നാണ്​ അധികൃതരുടെ അഭിപ്രായം. 

കിഴക്കൻ ലഡാക്കിലെ ഗാൽവാൻ താഴ്​വരയിൽ നടന്ന ചൈനീസ്​ ആക്രമണത്തെ തുടർന്ന്​ ഇന്ത്യ-ചൈന ബന്ധം വഷളായിരുന്നു. ഇതേ തുടർന്ന്​ 59 ചൈനീസ്​ മൈാബൈൽ ആപുകൾക്ക്​ രാജ്യത്ത്​ വിലക്ക്​ ഏർപ്പെടുത്തുകയും ചെയ്​തിരുന്നു. ചൈനക്ക്​ ഏറ്റവും കൂടുതൽ വിദേശനിക്ഷേപമുള്ള രാജ്യം ഇന്ത്യയാണ്​. വർഷങ്ങൾ നീണ്ട വ്യാപാര ബന്ധത്തിനായിരുന്നു ഇതോടെ വിള്ളൽ വീണത്​. 

നേരത്തേ, പാകിസ്​താൻ, ബംഗ്ലാദേശ്​ എന്നിവിടങ്ങളിൽനിന്നുള്ള നിക്ഷേപങ്ങൾക്കും പ്രതിരോധം, മാധ്യമം, വാർത്താവിനിമയം, സാറ്റ​ൈലറ്റ്​, സ്വകാര്യ സുരക്ഷ ഏജൻസി, വ്യോമയാന മേഖല, ഖനനം എന്നീ മേഖലകളിലെ നിക്ഷേപങ്ങൾക്കും മാത്രം മുൻകൂർ അനുമതി തേടിയാൽ മതിയായിരുന്നു.  

എന്നാൽ ഏപ്രിൽ 18ന്​ പുറപ്പെടുവിച്ച കേന്ദ്രസർക്കാർ വിദേശനിക്ഷേപ നയപ്രകാരം കര അതിർത്തി പങ്കിടുന്ന രാജ്യങ്ങളിൽനിന്നുള്ള എല്ലാ നിക്ഷേപങ്ങൾക്കും മുൻകൂർ അനുമതി വാങ്ങണമെന്ന്​ അറിയിക്കുകയായിരുന്നു. കോവിഡ്​ 19നെ തുടർന്നുണ്ടായ പ്രതിസന്ധി പരിഹരിക്കാനായി ഇന്ത്യൻ കമ്പനികളെ പ്രോത്സാഹിപ്പിക്കുന്നതി​​​െൻറ ഭാഗമായാണ്​ നടപടിയെന്ന്​ കേന്ദ്രസർക്കാർ വ്യക്തമാക്കിയിരുന്നു. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:chinafdiMinistry of Home Affairsforeign direct investment
News Summary - 200 Chinese investment bids await Ministry of Home Affairs nod -Business news
Next Story