You are here

ലോക്​ഡൗൺ: ഫ്ലിപ്കാർട്ടും മിന്ത്രയും സേവനം നിർത്തി

  • ആമസോൺ അവശ്യ വസ്​തുക്കൾ മാത്രമായി പരിമിതപ്പെടുത്തി

14:18 PM
25/03/2020

ന്യൂഡൽഹി: രാജ്യത്ത്​ ലോക്​ഡൗൺ പ്രഖ്യാപിച്ച സാഹചര്യത്തിൽ തങ്ങളുടെ സേവനം തൽക്കാലം നിർത്തുകയാ​​ണെന്ന്​ ഓൺലൈൻ വ്യാപാര സംരംഭകരായ​ ഫ്ലിപ്കാർട്ടും മിന്ത്രയും. നിത്യോപയോഗ സാധനങ്ങൾ, ശുചീകരണികൾ തുടങ്ങിയ അവശ്യവസ്തുക്കൾ മാത്രമേ നൽകുകയുള്ളൂവെന്ന്​ ആമസോൺ ഇന്ത്യയും അറിയിച്ചു.

ലോക്​ഡൗൺ വേളയിലും ഭക്ഷണം, മരുന്ന്​, മെഡിക്കൽ ഉപകരണങ്ങൾ, ഗാർഹിക വസ്​തുക്കൾ തുടങ്ങിയ അവശ്യസാധനങ്ങൾ ഇ-കൊമേഴ്‌സ് വഴി വിതരണം ചെയ്യാൻ കേന്ദ്രസർക്കാർ അനുമതി നൽകിയിരുന്നു. എന്നാൽ, ചരക്കുകൾ എത്തിക്കുന്നതിനും വിതരണം ചെയ്യുന്നതിനുമുള്ള പ്രയാസം കണക്കിലെടുത്താണ്​ സംരംഭകരുടെ ഈ തീരുമാനമെന്നാണ്​ സൂചന. 

‘ഞങ്ങളുടെ സേവനം താൽകാലികമായി നിർത്തിവയ്ക്കുകയാണ്. നിങ്ങളുടെ ആവശ്യങ്ങൾക്കാണ്​ എല്ലായ്‌പ്പോഴും പരിണന. കഴിയുന്നതും വേഗം നിങ്ങളെ സേവിക്കാൻ മടങ്ങിവരും’ എന്നാണ്​ ഫ്ലിപ്​കാർട്ടി​ന്റെ മുഖപേജ്​ തുറ​ക്കു​മ്പോൾ പ്രത്യക്ഷപ്പെടുന്നത്​.

Loading...
COMMENTS