ഇടപാടുകൾക്ക്​ ​െതറ്റായ ആധാർ നൽകിയാൽ 10,000 രൂപ പിഴ

ന്യൂഡൽഹി: ഉയർന്ന മൂല്യമുള്ള പണമിടപാടുകൾക്ക്​ തെറ്റായ ആധാർ നമ്പർ നൽകിയാൽ 10,000 രൂപ പിഴ. സെപ്​റ്റംബർ ഒന്ന്​ മുതൽ പ ുതിയ നിയമം നിലവിൽ വരുമെന്ന്​ ഹിന്ദുസ്ഥാൻ ടൈംസ്​ റിപ്പോർട്ട്​ ചെയ്യുന്നു. ഇതിനായി നിലവിലുള്ള ചില നിയമങ്ങളിൽ ഭേദഗതികൾ വരുത്താൻ കേന്ദ്രസർക്കാർ ഒരുങ്ങുകയാണെന്നാണ്​ റിപ്പോർട്ടുകൾ.

ആദായ നികുതി റി​ട്ടേൺ സമർപ്പിക്കാൻ പാൻകാർഡിന്​ പകരം ആധാർ കാർഡും ഉപയോഗിക്കാമെന്ന്​ കേന്ദ്രസർക്കാർ അറിയിച്ചിരുന്നു. തൻെറ ആദ്യ ബജറ്റിൽ ധനമന്ത്രി നിർമലാ സീതാരാമനാണ്​ ആധാറും പാൻകാർഡും പരസ്​പരം ഉപയോഗിക്കാമെന്ന്​ അറിയിച്ചത്​. ഇതിന്​ പിന്നാലെയാണ്​ ആധാറിലെ കള്ളകളികൾ അവസാനിപ്പിക്കാൻ കേന്ദ്രം കൂടുതൽ ശക്​തമായ നിയമവുമായി രംഗത്തെത്തുന്നത്​.

ഇതിനായി ആദായ നികുതി നിയമത്തിലെ 272ബി, 139 എ എന്നീ വകുപ്പുകളിൽ ഭേദഗതി വരുത്തുമെന്നും ബജറ്റ്​ പ്രസംഗത്തിൽ നിർമലാ സീതാരാമൻ വ്യക്​തമാക്കിയിരുന്നു.