യോഗി ആദിത്യനാഥി​െൻറ മുഖ്യമന്ത്രിപദം; ഒാഹരി വിപണികളിലും ആശങ്ക

മുംബൈ: ഉത്തർപ്രദേശ്​ മുഖ്യമന്ത്രിയായി യോഗി ആദിത്യനാഥി​െൻറ നിയമനം ഒാഹരി വിപണിയിലും ആശങ്ക സൃഷ്​ടിക്കുന്നു. യോഗി ആദിത്യനാഥ്​ മുഖ്യമന്ത്രിയായി എത്തിയത്​ ബി.ജെ.പിയുടെ നയമാറ്റമായാണ്​ സാമ്പത്തിക വിദഗ്​ധർ വിലയിരുത്തുന്നത്​. വികസനം എന്ന നയത്തിൽ നിന്ന്​ മാറിക്കൊണ്ട്​ തീവ്രഹിന്ദുത്വ അജണ്ടയിലേക്കുള്ള നയംമാറ്റമാണ്​ ആദിത്യനാഥി​െൻറ മുഖ്യമന്ത്രിപദത്തിലൂടെ ബി.ജെ.പി ലക്ഷ്യം വെക്കുന്നതെന്നാണ്​ വിലയിരുത്തലുകൾ. വികസനത്തിൽ നിന്നുള്ള ഇൗ മാറ്റം ഒാഹരി വിപണിയിലെ വിദേശ നിക്ഷേപകർക്കിടയിൽ ആശങ്ക സൃഷ്ടിച്ചതായാണ്​ റിപ്പോർട്ടുകൾ.

രാജ്യത്ത്​ ഉണ്ടാവുന്ന ചെറിയ മാറ്റങ്ങളിൽ പോലും കൃത്യമായ പ്രതികരണങ്ങൾ ഒാഹരി വിപണിയിലും പ്രതിഫലിക്കും. നരേന്ദ്രമോദിയുടെ നേതൃത്വത്തിലുള്ള സർക്കാർ വികസനം എന്ന നയത്തിൽ നിന്ന്​  തീവ്രഹിന്ദുത്വ അജണ്ടയിലേക്ക്​ മാറിയാൽ അത്​പ്രതികൂലമായി ബാധിക്കുക ഇന്ത്യൻ വ്യവസായ രംഗത്തെയും അതുവഴി ഒാഹരി വിപണിയെയും ആയിരിക്കും.

യു.പി അടക്കം നാല്​​സംസ്ഥാനങ്ങളിലെയും ബി.ജെ.പിയു ഭരണത്തിലേറിയത്​ കഴിഞ്ഞയാഴ്​ച ഒാഹരി വിപണികൾക്ക്​ നേട്ടമായിരുന്നു. എന്നാൽ യോഗി ആദിത്യനാഥി​െൻറ നിയമനം നിക്ഷേപകരിൽ ചെറിയൊരു വിഭാഗത്തിനെങ്കിലും ആശങ്ക സൃഷ്​ടിച്ചിട്ടുണ്ടെന്നാണ്​ ഒാഹരി വിപണിയിലെ റിപ്പോർട്ടുകൾ.