ആരാണ്​ നീരവ്​ മോദി?

ന്യൂഡൽഹി: നീരവ്​ മോദി എന്ന പേരിനൊപ്പമാണ്​ ഇന്ന്​ ഇന്ത്യൻ വ്യവസായ​രംഗം. രാജ്യത്തെ പ്രമുഖ പൊതുമേഖല ബാങ്കി​​െൻറ കബളിപ്പിച്ച്​ കോടികൾ തട്ടിയാണ്​ നീരവ്​ ഇപ്പോൾ കുപ്രസിദ്ധി നേടിയിരിക്കുന്നത്​. ഇപ്പോൾ പ്രധാനമന്ത്രി ന​രേന്ദ്രമോദിക്കൊപ്പമുള്ള നീരവി​​െൻറ ചിത്രങ്ങൾ കൂടി പുറത്ത്​ വന്നതോടെ വിവാദങ്ങൾ വീണ്ടും ചൂടുപിടിക്കുകയാണ്​. സ്വാഭാവികമായും ഇപ്പോൾ ഉയരുന്ന ചർച്ചകളെല്ലാം നീരവ്​ മോദിയെന്ന ഇന്ത്യൻ വ്യവസായിയെ സംബന്ധിച്ചാണ്​.

ഇന്ത്യയിലെ ശതകോടിശ്വരിൽ സ്ഥാനമുള്ളയാളാണ്​ നീരവ്​ മോദി. ഫോബ്​സ്​ മാസികയുടെ ഇന്ത്യയിലെ ധനികരുടെ പട്ടികയിൽ 85ാം സ്ഥാനം. രാജ്യത്തെ പ്രമുഖ വജ്ര വ്യവസായികളിലൊരാൾ. ഇന്ത്യയിൽ മാത്രമല്ല ഏഷ്യയിലാകെ പടർന്ന്​ കിടക്കുന്ന വൻ വ്യവസായ സാമ്രാജ്യം. ബെൽജിയത്തിലാണ്​ നീരവി​​െൻറ കുട്ടിക്കാലവും വിദ്യഭ്യാസവും. വജ്രാഭരണങ്ങളുടെ ലോകതലസ്ഥാനമെന്ന്​ അറിയപ്പെടുന്ന ബെൽജിയത്തെ താമസം നീരവി​നെ വജ്രവ്യവസായത്തിൽ തൽപ്പരനാക്കി. പ്രശ​സ്​തമായ ബിസിനസ്​ സ്​കൂളിൽ ചേർന്നുവെങ്കിലും പഠനം പാതിവഴിക്ക്​ നിർത്തി. പത്തൊമ്പാതാം വയസിൽ ബോ​ംബൈയിൽ തിരിച്ചെത്തി. അമ്മാവനൊപ്പം വജ്രവ്യവസായത്തിൽ ഹരീശ്രി കുറിച്ചു. ആദ്യ ബൂട്ടിക്​ ഡൽഹിയിൽ ആരഭിച്ചു. പിന്നാലെ ന്യൂയോർക്ക്​, ലണ്ടൻ, ഹോ​േങ്കാങ്​ തുടങ്ങി ലോകം മുഴുവൻ വ്യാപിച്ച വ്യവസായ ശൃഖലയുമായി നീരവ്​ വളർച്ചു.

ഒാസ്​കാർ, ഗ്ലോഡൻ ഗ്ലോബ്​ തുടങ്ങിയ അവാർഡ്​ നിശകളിലൊക്കെ താരങ്ങൾ മിന്നിതിളങ്ങിയത്​ നീരവി​​െൻറ കമ്പനിയുടെ ആഭരണങ്ങൾ ധരിച്ചായിരുന്നു. പ്രിയങ്ക ​ചോപ്രയാണ്​ നീരവി​​െൻറ ജ്വല്ലറിയുടെ ബ്രാൻഡ്​ അംബാസിഡർ. പ്രതിഫലം നൽകിയില്ലെന്ന്​ ആരോപിച്ച്​ പ്രിയങ്ക ചോപ്ര നൽകിയ കേസും നീരവിനെതിരെ നിലവിലുണ്ട്​. പഞ്ചാബ്​ നാഷണൽ ബാങ്കി​​െൻറ ജാമ്യത്തിൽ വിദേശ ബാങ്കുകളിൽ നിന്ന്​ ​നീരവ്​ കോടികൾ തട്ടിയെന്നാണ്​ ഇപ്പോൾ ഉയർന്നിരിക്കുന്ന ആരോപണം. 2011ൽ തുടങ്ങിയ തട്ടിപ്പി​​െൻറ വിവരങ്ങൾ ഇപ്പോഴാണ്​ പുറത്ത്​ വരുന്നത്​. എന്തായാലും വിജയ്​ മല്യക്ക്​ ശേഷം ഇന്ത്യയിലെ വിവാദ വ്യവസായികളുടെ പട്ടികയിലേക്ക്​ ഒരു പേര്​ കൂടി എഴുതി ചേർക്കുകയാണ്​ നീരവ്​ മോദിയിലുടെ.