കോവിഡ്​ 19: വാൾമാർട്ട്​ ഒന്നര ലക്ഷം ജീവനക്കാരെ പുതുതായി നിയമിക്കുന്നു

വാഷിങ്​ടൺ: കോവിഡ്​ 19 വൈറസ്​ ബാധ ആശങ്കയുയർത്തുന്നതിനിടെ 1,50,000 ജീവനക്കാരെ വാൾമാർട്ട് പുതുതായി നിയമിക്കുന്നു. മണ ിക്കൂർ വേതനത്തിൽ ജീവനക്കാരെ നിയമിക്കാനാണ്​ വാൾമാർട്ടിൻെറ പദ്ധതി. ഓൺലൈൻ ഓർഡറുകൾ വർധിച്ച സാഹചര്യത്തിലാണ്​ വാൾ മാർട്ടിൻെറ തീരുമാനം.

മുഴവൻ സമയ ജീവനക്കാർക്ക്​ 300 ഡോളറും പാർട്ട്​-ടൈം ജീവനക്കാർക്ക്​ 150 ഡോളറും ബോണസായി നൽകാനും വാൾമാർട്ട്​ തീരുമാനിച്ചിട്ടുണ്ട്​. നേരത്തെ വെയർഹൗസുകളിലേക്ക്​ ഒരു ലക്ഷം ജീവനക്കാരെ അധികമായി നിയമിക്കുമെന്ന്​ ആമസോണും അറിയിച്ചിരുന്നു. ഇതിന്​ പിന്നാലെയാണ്​ വാൾമാർട്ടി​േൻറയും നീക്കം.

കോവിഡ്​ 19 വൈറസ്​ ബാധയെ തുടർന്ന്​ അവശ്യവസ്​തുക്കൾക്ക്​ ക്ഷാമം നേരിടുമെന്ന ആശങ്ക ജനങ്ങൾക്കുണ്ട്​. ഇതോടെ വൻതോതിൽ ജനങ്ങൾ സാധനങ്ങൾക്ക്​ ഓർഡർ നൽകിയതോടെ ഡെലിവറി നടത്താൻ വാൾമാർട്ട്​ ബുദ്ധിമുട്ടുകയായിരുന്നു.