തിരിച്ചടികളിൽ തളർന്ന്​ വിനോദ സഞ്ചാര രംഗം

കേരളത്തിലെ വിനോദ സഞ്ചാര രംഗത്തെ സംരംഭകർക്ക്​ ഇത്​ കഷ്​ടകാലം. രണ്ടുമൂന്ന്​ വർഷമായി തുടർച്ചയായ തിരിച്ചടികളാണ്​ വിനോദ സഞ്ചാര സംരംഭകർ നേരിടുന്നത്​. സർക്കാർ നയങ്ങൾ മുതൽ പ്രകൃതി ദുരന്തങ്ങളും പകർച്ച വ്യാധികളും മഴക്കുറവും മഴക്കൂടുതലും വരെ തിരിച്ചടികളായി വിനോദ സഞ്ചാര രംഗത്തെ സംരംഭകരെ വേട്ടയാടുകയാണ്​. ആദ്യം ഇടിത്തീയായി പതിച്ചത്​ 2016​െല നോട്ട്​ നിരോധനമായിരുന്നു. വിദേശ സഞ്ചാരികൾ ഏറ്റവുമധികം വന്നെത്തുന്ന വർഷാന്ത്യ സീസണ്​ തൊട്ടുമുമ്പായി നവംബറിലാണ്​ നോട്ട്​ നിരോധം വന്നത്​. ഇതേ തുടർന്ന്​ ഇന്ത്യയിലെ കറൻസി ക്ഷാമവും ബാങ്കുകൾക്കും എ.ടി.എമ്മിനും മുന്നിൽ അനന്തമായി രൂപം​െകാണ്ട നിരയുമെല്ലാം അന്താരാഷ്​ട്ര മാധ്യമങ്ങളിൽ വൻ വാർത്തയായി. കുടിച്ച ചായക്ക്​ കൊടുക്കാൻ പണമില്ലാതെ മൂന്നാറിൽ വിദേശ വി​േനാദ സഞ്ചാരിക്ക്​ഇറങ്ങിയോടേണ്ട സ്​ഥിതി വന്നതടക്കം വിശേഷങ്ങളും ട്രാവൽ മാഗസിനുകളിൽ ചർച്ചയായി. അത്തരം സാഹചര്യങ്ങളിൽ ഇന്ത്യയിലേക്കുള്ള യാത്ര ബുദ്ധിമുട്ടാകുമെന്ന്​ തിരിച്ചറിഞ്ഞ വിദേശ വിനോദ സഞ്ചാരികൾ യാത്രാഗതി മാറ്റി. ഗുണം അനുഭവിച്ചത്​ ഇന്ത്യൻ ടൂറിസത്തോട്​ മത്സരിക്കുന്ന സിങ്കപ്പൂരും ശ്രീലങ്കയും മറ്റും.

കൈയിലുള്ള പണം ചെലവാക്കാൻ പേടിച്ച ആഭ്യന്തര വിനോദ സഞ്ചാരികളും യാത്രകൾ മാറ്റിവെച്ചു. ഫലം, ഹോട്ടൽ മുറികളും മറ്റും ആളില്ലാതെ ഒഴിഞ്ഞുകിടന്നു. നോട്ട്​ നിരോധനത്തി​െൻറ അനിശ്ചിതത്വം ഒരുവിധം നീങ്ങിവരുന്നതിനിടയിലാണ്​, കഴിഞ്ഞ ജൂലൈയിൽ അശനിപാതമായി ചരക്കു സേവന നികുതി (ജി.എസ്​.ടി) വന്ന്​ പതിച്ചത്​. വിനോദ സഞ്ചാര മേഖലയിലെ പല സേവനങ്ങൾക്കും 28 ശതമാനം വരെ ജി.എസ്​.ടി ഏർപ്പെടുത്തിയതാണ്​ വിനയായത്​. 

ഇന്ത്യയിലെത്തുന്ന വി​േദശികളിൽ അധികവും ഇടത്തരക്കാരാണ്​. അവർ വിവിധ രാജ്യങ്ങളിലെ നിരക്കുകൾ താരതമ്യം ചെയ്​തുനോക്കിയാണ്​ യാത്രാ പദ്ധതി തയാറാക്കുന്നത്​. പതിവ്​ നിരക്കുകൾക്ക്​ പുറമെ 28 ശതമാനം ജി.എസ്​.ടിയും എന്നായതോടെ, പലരും ഇന്ത്യയിലേക്കുള്ള യാത്ര മാറ്റി തുടങ്ങി. ഇതിനുപുറമേ കഴിഞ്ഞ വർഷം 30 ​ശതമാനം മഴ കുറഞ്ഞത്​ മൺസൂൺ ടൂറിസത്തെയും പ്രതികൂലമായി ബാധിച്ചു. 

ഇൗ തിരിച്ചടികളിൽനിന്ന്​ മുക്തമായി മികച്ച സീസൺ സംബന്ധച്ച പ്രതീക്ഷയിലായിരുന്നു ടൂറിസം സംരംഭകർ ഇൗ വർഷം.  ഒരുവ്യാഴവട്ടത്തിനുശേഷം പൂത്തുലയുന്ന നീലക്കുറിഞ്ഞിയും മറ്റും ആഭ്യന്തര-വിദേശ ടൂറിസ്​റ്റുകളുടെ ഒഴുക്ക്​  വർധിപ്പിച്ചേക്കുമെന്ന പ്രതീക്ഷയാണ്​ ഉയർന്നത്​.  പക്ഷേ, അതിനിടെ ഇൗ വർഷത്തെ പ്രതീക്ഷക്ക്​ ആദ്യ തിരിച്ചടിയായി​ നിപ വൈറസ്​ ബാധയെത്തി. നിപ ബാധ സംബന്ധിച്ച്​ അന്താരാഷ്​ട്ര  മാധ്യമങ്ങളിൽ വന്ന വാർത്തകൾ വിനയായി. അതിന്​ പിന്നാലെയാണ്​ ഇപ്പോൾ, രൂക്ഷമായ മഴയും വെള്ളപ്പൊക്കവും. തുടർച്ചയായ തിരിച്ചടികളിൽ അന്തിച്ചുനിൽക്കുകയാണ്​ സംരംഭകർ.

വെള്ളപ്പൊക്കത്തിൽ ഉലഞ്ഞ്​ ‘ഹൗസ്​ ബോട്ട്​’ രംഗം
ഒരുമാസത്തിലേറെയായി കുട്ടനാട്​ വെള്ള​െപ്പാക്കത്തി​​െൻറ പിടിയിലാണ്​. ഇതുവഴിയുള്ള റോഡ്​ ഗതാഗതം വരെ നിർത്തിവെക്കേണ്ടിവന്നു. ഇത്​ ഏറ്റവുമധികം ബാധിച്ചത്​ കായൽ വി​േനാദ സഞ്ചാര മേഖലയെയാണ്​. വൻതുക മുടക്കിയും ബാങ്ക്​ വായ്​പയെടുത്തുമൊ​െക്ക ഹൗസ്​  ബോട്ട്​ രംഗത്ത്​ മുതൽമുടക്കിയവരുടെ പ്രതീക്ഷ വള്ളംകളിക്കാലത്തെ വി​നോദ സഞ്ചാരികളുടെ ഒഴുക്കും ഒാണക്കാലവുമെല്ലാമാണ്​. ആഴ്​ചകളോളം കുട്ടനാട്​ വെള്ളത്തിനടിയിലായതോടെ ഇൗ പ്രതീക്ഷകൾകൂടിയാണ്​​ വെള്ളപ്പൊക്കത്തിൽ ഒലിച്ചുപോയത്​. സഞ്ചാരികളില്ലാതെ ഹൗസ്​ ബോട്ടുകൾ തീരത്ത്​ വിശ്രമിച്ചു. വെള്ളപ്പൊക്കം കാരണം മാറ്റിവെച്ച നെഹ്​റുട്രോഫി വള്ളംകളി ഉടൻ നടത്തുമെന്ന്​ പ്രഖ്യാപനമുണ്ടെങ്കിലും ​േനരത്തേയുള്ള വള്ളംകളി ഷെഡ്യൂൾ അനുസരിച്ച്​ യാത്രാപദ്ധതികൾ തയാറാക്കിയ വിദേശ സഞ്ചാരികളും മറ്റും ഇനി തിരിച്ചുവരുമോ എന്നാണ്​ ആശങ്ക. 

ഉരുൾപൊട്ടിയ ‘നീലക്കുറിഞ്ഞി’ പ്രതീക്ഷകൾ
ആഗസ്​റ്റ്​, സെപ്​റ്റംബർ മാസങ്ങളിൽ പൂത്തുലയുന്ന നീലക്കുറിഞ്ഞി കാണാൻ ഇടുക്കിയിലെവി​േനാദ സഞ്ചാര മേഖലകളിലേക്ക്​ വി​േദശ സഞ്ചാരികളുടെയും ആഭ്യന്തര സഞ്ചാരികളുടെയും വൻ ഒഴുക്കാണ്​ പ്രതീക്ഷിക്കുന്നത്​. എട്ടുലക്ഷത്തിലധികം വി​േനാദ  സഞ്ചാരികളെയാണ്​ നീലക്കുറിഞ്ഞി സീസണിൽമാത്രം പ്രതീക്ഷിക്കുന്നത്​. ഇവർക്ക്​ സൗകര്യമൊരുക്കാൻ സംസ്​ഥാന സർക്കാർ വിവിധ പദ്ധതികൾക്കും രൂപം നൽകിയിരുന്നു. റിസോർട്ടുകളും ടൂർ ഒാപറേറ്റർമാരും മറ്റും നീലക്കുറിഞ്ഞി സീസണിൽ വിദേശ സഞ്ചാരികളെ പരമാവധി  ആകർഷിക്കുന്നതിന്​ വെബ്​സൈറ്റുകളിൽ പ്രത്യേക പ്രചാരണ പരിപാടികളും ഒരുക്കി. പക്ഷേ, ഇടുക്കിയിലെ ഉരുൾപൊട്ടലും കനത്ത വെള്ളപ്പൊക്കവും മണ്ണിടിച്ചിലുമെല്ലാം പ്രതീക്ഷകൾക്കുമേൽ കരിനിഴൽ വീഴ്​ത്തിയിരിക്കുകയാണ്​. മണ്ണിടിച്ചിലിൽ  വിദേശ വി​േനാദ സഞ്ചാര സംഘം ഒറ്റപ്പെട്ടുപോയ സ്​ഥിതിയുമുണ്ടായി. കനത്ത മഴ കാരണം ഇടുക്കിയിലേക്കുള്ള വിനോദ സഞ്ചാരികളുടെ യാത്രക്ക്​ നിയന്ത്രണവും ഏർപ്പെടുത്തേണ്ടിവന്നു. നീലക്കുറിഞ്ഞി സീസൺ ആരംഭിക്കാൻ ഇനി ദിവസങ്ങൾ മാത്രമാണ്​ ബാക്കി​. അതിനകം, കാര്യങ്ങൾ നേരെയാകുമെന്ന പ്രതീക്ഷയിലാണ്​ സംരംഭകർ. ഇടുക്കിയിലെ ചെറുകിട സംരംഭകർക്കും കച്ചവടക്കാർക്കും മറ്റും പ്രതീക്ഷ പകർന്നിരുന്നത്​ ഒാണ അവധിക്കാലത്ത്​ വിവിധ ജില്ലകളിൽ നിന്നെത്തുന്നവരിൽനിന്നുള്ള വരുമാനമാണ്​. സംസ്​ഥാനത്ത്​ ഇപ്പോൾ ശക്തമായിരിക്കുന്ന മഴക്കെടുതി ഇൗ പ്രതീക്ഷക്കും മങ്ങലേൽപിച്ചിരിക്കുകയാണ്​. 

നിപ പോയിട്ടും മാറാതെ ക്ഷീണം
ഏതാനും വർഷങ്ങളായി ടൂറിസം വകുപ്പ്​ മൺസൂൺ ടൂറിസം വിദേശ രാജ്യങ്ങളിൽ മാർക്കറ്റ്​ ​െചയ്യുകയാണ്​. അറബ് സഞ്ചാരികളാണ്​ കേരളത്തിൽ മഴ ആസ്വദിക്കാൻ വരുന്നവരിൽ ഏറെയും. കഴിഞ്ഞ വർഷം മൺസൂൺ പിണങ്ങിയതാണ്​ സംരംഭകരെ വെട്ടിലാക്കിയതെങ്കിൽ ഇൗ വർഷം നിപയും പ്രളയവും പണിതന്നു. ‘നിപ’ ബാധയുടെ വാർത്തകൾ പ്രചരിച്ചതോടെ കേരളത്തിലേക്കുളള യാത്ര ഒഴിവാക്കാൻ പല ഗൾഫ്​ രാജ്യങ്ങളും നിർദേശം നൽകിയിരുന്നു.  നിപ ഭീതിയിൽനിന്ന്​ മോചനംനേടിക്കൊണ്ടിരിക്കെയാണ്​ പ്രളയവും ഉരുൾപൊട്ടലും​. അറബ്​ ലോകത്തെ മാധ്യമങ്ങളിൽവരെ ഇത്​ ഒന്നാംപേജ്​ വാർത്തയായതോടെ,  ഇത്തവണത്തെ ‘മൺസൂൺ ടൂറിസം സീസണും ‘വെള്ളത്തിലായി’രിക്കുകയാണ്​.