Begin typing your search above and press return to search.
proflie-avatar
Login
exit_to_app
exit_to_app
Homechevron_rightBusinesschevron_rightBiz Newschevron_rightടെലിമെഡിസിനും ഇനി...

ടെലിമെഡിസിനും ഇനി ആരോഗ്യ ഇൻഷുറൻസ്​ പരിധിയിൽ 

text_fields
bookmark_border
ടെലിമെഡിസിനും ഇനി ആരോഗ്യ ഇൻഷുറൻസ്​ പരിധിയിൽ 
cancel

ന്യൂഡൽഹി: ആശുപത്രികളിൽ പോകാതെ ഓൺലൈൻ മു​ഖാന്തരം ഡോക്​ടറുടെ സേവനം ലഭ്യമാക്കുന്ന രോഗികൾക്കും ഇനിമുതൽ ഇൻഷുറൻസ്​ പരിരക്ഷ. ടെലിമെഡിസിനും ആരോഗ്യ ഇൻഷുറൻസ്​ പാക്കേജിൽ ഉൾപ്പെടുത്തിയതായി ഇൻഷുറൻസ്​ റെഗുലേറ്ററി ആൻഡ്​ ഡെവലപ്​മ​െൻറ്​ അതോറിറ്റി ഓഫ്​ ഇന്ത്യ  (ഐ.ആർ.ഡി.​എ.ഐ) അറിയിച്ചു. ഇൻഷുറൻസ്​ കമ്പനി​കളോ​ട്​ ടെലിമെഡിസിനെയും ഉൾപ്പെടുത്തി പോളിസി പാക്കേജ്​ തയാറാക്കാൻ അതോറിറ്റി നിർദേശം നൽകുകയും ചെയ്​തു. പോളിസി പാക്കേജിൽ ടെലി​മെഡിസിനായി ചെലവാക്കിയ തുക ഉൾപ്പെടുത്താനാകും. കോവിഡ്​ ബാധയുടെ പശ്ചാത്തലത്തിലാണ്​ ​ഇൻഷുറൻസ്​ അതോറിറ്റിയുടെ പുതിയ തീരുമാനം. 

വിദഗ്​ധ ഡോക്​ടർമാരുടെ സേവനം ഓ​ൺ​ൈലനായോ ടെലി​േഫാൺ വഴിയോ ലഭ്യമാക്കുന്നതാണ്​ ടെലി​െമഡിസിൻ. കോവിഡ്​ ബാധ ലോകരാജ്യങ്ങളിൽ പടർന്നുപിടിച്ചപ്പോൾ ആശുപത്രികളിൽ കയറി ഇറങ്ങാതെ മികച്ച സേവനം ഉറപ്പുവരുത്തുന്നതിനും വീടുകളിൽ തന്നെ കഴിയുന്നതിനും വേണ്ടിയാണ്​ ടെലി മെഡിസിൻ സംവിധാനം ഏർപ്പെടുത്തിയത്​. നേര​ത്തേ ടെലി മെഡിസിൻ സംവിധാനം ലഭ്യമായിരുന്നുവെങ്കിലും വ്യാപകമായിരുന്നില്ല. 

കോവിഡ്​ രോഗലക്ഷണങ്ങളെ തുടർന്ന്​ നീരീക്ഷണത്തിൽ കഴിയുന്നവർക്കോ, മറ്റു ഗുരുതര ആരോഗ്യ പ്രശ്​നങ്ങളുള്ളവർക്കോ, സ്​ഥിരമായി മരുന്ന്​ കഴിക്കുന്നവർക്കോ ഇത്തരത്തിൽ ടെലി മെഡിസിൻ സംവിധാനം വഴി വീടുകളിലിരുന്ന്​ ഡോക്​ടറുടെ സേവനം ഉറപ്പുവരുത്താനും മരുന്ന്​ വാങ്ങാനും സാധിക്കും. ചില ആശുപത്രികൾ കിടപ്പുരോഗികളെ പരിചരിക്കുന്നതിനായി നഴ്​സിങ് സംവിധാനവും ഓൺലൈനായി ഏർപ്പെടുത്തിയിരുന്നു. ഇത്തരത്തിൽ വീടുകളിലിരുന്ന്​ ചികിത്സ തേടുന്നവർക്ക്​ ഭാരിച്ച തുക ചെലവാക്കേണ്ടി വരുന്നതിനെ തുടർന്നാണ്​ ഇൻഷുറൻസ്​ അതോറിറ്റിയുടെ തീരുമാനം. 

ആശുപത്രികളിലെ തിരക്ക്​ നിയന്ത്രിക്കുന്നതിനും ചെറിയ കോവിഡ്​ ലക്ഷണമുള്ളവർ വീടുകളിൽതന്നെ കഴിയുന്നതിനും മറ്റുള്ളവരിലേക്ക്​ രോഗം വ്യാപിക്കാതെ ഇരിക്കുന്നതിനും ടെലി മെഡിസിൻ സംവിധാനം ഉപയോഗപ്പെടുത്ത​ുന്നു​. 

മാർച്ച്​ 25ന് രജിസ്​ട്രേഡ്​ ​േഡാക്​ടർമാർക്കുള്ള ടെലി ​െമഡിസിൻ സേവന നിർദേശങ്ങൾ കേന്ദ്ര ആരോഗ്യ മന്ത്രാലയം പു​റപ്പെടുവിച്ചിരുന്നു. ഇതിൻെറ തുടർച്ചയായാണ്​ ഇൻഷുറൻസ്​ സുരക്ഷയും ഉറപ്പുവരുത്തുന്നത്​. വ്യക്തികളുടെയും സമൂഹത്തിൻെറയും ആരോഗ്യ പരിരക്ഷയുടെ ഉന്നമനത്തിനായി രോഗനിർണയും, ചികിത്സ, രോഗവ്യാപനം തടയൽ, പരിക്കുകൾ തുടങ്ങിയവയുമായി ബന്ധപ്പെട്ട അറിവുകൾ സാങ്കേതിക വിദ്യയുടെ സഹായത്തോടെ പങ്കുവെക്കുന്നതാണ്​ ടെലിമെഡിസിൻ സംവിധാനമെന്ന്​ കേന്ദ്ര ആരോഗ്യ കുടുംബ ക്ഷേമ മന്ത്രാലയ വെബ്​സൈറ്റിൽ പറയുന്നു. കേന്ദ്രസർക്കാരിൻെറ ടെലിമെഡിസിൻ മാർഗനിർദേശങ്ങൾ പരിഗണിച്ചായിരിക്കും ഇൻഷുറൻസ്​ പാക്കേജ്​ തയാറാക്കുക. ടെലി​മെഡിസിൻ ഇൻഷുറൻസ്​ ​പരിധിയിൽ വരുന്നതോടെ ഇത്തരം ചികിത്സകൾ വ്യാപക​മായേക്കും.  


 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:newsbusinessHealth Insuranceinsurancemalayalam newsIRDAIcovid 19TelemedicineHealth News
News Summary - Telemedicine to be covered under health insurance policy -Business news
Next Story