റൺവേയില്ലാതെ വിമാനമിറക്കാൻ സ്​പൈസ്​ ജെറ്റ്​

ന്യൂഡൽഹി: റൺവേയില്ലാതെ വിമാനമിറക്കാനുള്ള പദ്ധതിയുമായി സ്​പൈസ്​ ജെറ്റ്​. ഇതിനായി ജപ്പാനിലെ സെതച്ചി ഹോൾഡിങ്സ്​ എന്ന അന്താരാഷ്​ട്ര കമ്പനിയുമായി സ്​പൈസ്​ ജെറ്റ്​ അധികൃതർ ചർച്ച നടത്തി. കരയിലും വെള്ളത്തിലും സഞ്ചരിക്കാവുന്ന  100ഒാളം കോഡിയാക്​ വിമാനങ്ങൾ വാങ്ങുന്നതുമായി ബന്ധപ്പെട്ടാണ്​ ചർച്ച നടന്നത്​. ഇത്തരം വിമാനങ്ങൾക്ക്​ ഇറങ്ങാൻ റൺവേ ആവശ്യമില്ല. കരയിലോ കടലിലോ എവിടെ വേണ​െമങ്കിലും ഇറക്കാവുന്നതാണ്​. 400മില്യൺ ഡോളറി​​െൻറതാണ്​ കരാർ. 

ഇന്ത്യയിൽ വിമാനത്താവളങ്ങൾ വളരെ കുറവാണ്​. അതിനാൽ എയർപോർട്ടുകളില്ലാത്തിടത്തും വിമാനമിറക്കുന്നതിനാണ്​ ഇത്തരമൊരു സംരംഭം കൊണ്ട്​ ഉദ്ദേശിക്കുന്നതെന്ന്​ സ്​പൈസ്​ ജെറ്റ്​ അധികൃതർ അറിയിച്ചു. വിമാനം വെള്ളത്തിലിറങ്ങുന്ന പ്രകടനം നവംബറിൽ സംഘടിപ്പിക്കാൻ കമ്പനി തീരുമാനിച്ചിട്ടുണ്ട്​.