ജി.എസ്​.ടി ബില്ല് പാർലമെൻറി​ൽ മണി ബില്ലായി അവതരിപ്പിക്കും

ന്യൂഡൽഹി: ഉൽപന്ന​ സേവന നികുതിയുമായി ബന്ധപ്പെട്ട മൂന്ന്​ ബില്ലുകൾ മണി ബില്ലുകളായാവും കേന്ദ്ര സർക്കാർ അവതരിപ്പിക്കുക. നേരത്തെ ഇവ ഫിനാൻസ്​ ബില്ലുകളായി അവതരിപ്പിക്കണമെന്ന്​ ​കോൺഗ്രസ്​ ആവശ്യപ്പെട്ടിരുന്നു.

ബിൽ വേഗത്തിൽ പാസാക്കുന്നതിന്​ വേണ്ടിയാണ്​ ഇത്തരമൊരു നീക്കം സർക്കാർ നടത്തുന്നതെന്നാണ്​ അറിയുന്നത്​. ഫിനാൻസ്​ ബില്ലുകളായി അവതരിപ്പിച്ചാൽ ​അത്​ പാസാക്കാൻ രാജ്യസഭയുടെയും ലോക്​സഭയുടെയും അനുമതി തേടേണ്ടി വരും. എന്നാൽ, മണി ബില്ലുകൾ ​ലോക്​സഭയുടെ മാത്രം അംഗീകാരം ലഭിച്ചാൽ മതി. രാജ്യസഭയിൽ കേന്ദ്ര സർക്കാറിന്​ ഭൂരിപക്ഷം കുറവായതിനാലാണ്​ മണി ബില്ലുകളായി അവതരിപ്പിക്കാൻ സർക്കാറിനെ പ്രേരിപ്പിക്കുന്നത്​.

നവംബർ 10ാം തീ‍യതി ​ലോക്​സഭ ഇൗ ബില്ലുകൾ ലിസ്​റ്റ്​ ചെയ്യ്​തിരുന്നു. പാർലിമെൻറി​െൻറ ശീതകാല സമ്മേളനത്തിൽ ബില്ലുകൾ പാസാക്കാനാണ്​ തീരുമാനം. ഡിസംബർ 16നാണ്​ പാർലമെൻറി​െൻറ ശീതകാല സമ്മേളനം അവസാനിക്കുന്നത്​.
നേരത്തെ കൂടുതൽ ചർച്ചകൾക്കായി ജി.എസ്​.ടിയുമായി ബന്ധപ്പെട്ട ബില്ലുകൾ ഫിനാൻസ്​ ബില്ലായി അവതരിപ്പിക്കണമെന്ന്​ കോൺഗ്രസ്​ ആവശ്യപ്പെട്ടിരുന്നു.

എന്നാൽ, ആർട്ടിക്കൾ 110, 117 എന്നിവയിൽ എന്താണ്​ ഫിനാൻസ്​ ബില്ല്​, മണി ബില്ല്​ എന്ന്​ കൃത്യമായി നിർവചിച്ചിട്ടുണ്ട്​ എ​െൻറ ഇഷ്​ടത്തിനനുസരിച്ച്​ അത്​ മാറ്റാൻ കഴിയില്ല കോൺഗ്രസ്​ ആവശ്യത്തോടുള്ള ധനമന്ത്രി അരുൺ ജെയ്​റ്റലിയുടെ പ്രതികരണമിതായിരുന്നു.

ജി.എസ്​.ടിയിൽ പല വിഷയങ്ങളിലും ഇപ്പോഴും സംസ്​ഥാനങ്ങളും കേന്ദ്ര സർക്കാരും തമ്മിൽ തർക്കങ്ങൾ നില നിൽക്കുകയാണ്​. ഈയൊരു പശ്​ചാത്തലത്തിലാണ്​ ജി.എസ്​.ടി സംബന്ധിച്ച ബില്ലുകൾ മണി ബില്ലുകളായി പാർലമെൻറിൽ അവതരിപ്പിക്കാൻ കേന്ദ്രസർക്കാർ തീരുമാനിച്ചിരിക്കുന്നത്​.