രാജ്യത്തെ വായ്​പ വളർച്ചയിലും കുറവ്​

12:41 PM
17/10/2019
2000-rupees

മുംബൈ: രാജ്യത്തെ ബാങ്കുകളിലെ വായ്​പ വളർച്ച രണ്ട്​ വർഷത്തിനിടയിലെ കുറഞ്ഞ നിരക്കിലേക്ക്​. റിസർവ്​ ബാങ്കാണ്​​ ഇതുമായി ബന്ധപ്പെട്ട്​ കണക്കുകൾ പുറത്ത്​ വിട്ടത്​. ആഭ്യന്തര ഉപഭോഗത്തിൽ കുറവ്​ രേഖപ്പെടുത്തിയതോടെയാണ്​ വായ്​പ വളർച്ചയും കുറയുന്നത്​.

ഇന്ത്യൻ സമ്പദ്​വ്യവസ്ഥ കഴിഞ്ഞ ആറ്​ വർഷകാലയളവിനിടയിലെ മോശം അവസ്ഥയിലാണ്​ ഇപ്പോൾ  ഉള്ളതെന്നും റിസർവ്​ ബാങ്കി​​െൻറ കണക്കുകൾ വ്യക്​തമാക്കുന്ന​ു​. വായ്​പ വളർച്ചാ നിരക്ക്​ 8.8 ശതമാനത്തിലേക്ക്​ താഴുന്നുവെന്നാണ്​ ആർ.ബി.ഐ കണക്കുകളിൽ നിന്ന്​ വ്യക്​തമാകുന്നത്​.

ബാങ്ക്​ ഓഫ്​ ബറോഡ, പഞ്ചാബ്​ നാഷണൽ ബാങ്ക്​, യുണിയൻ ബാങ്ക്​ തുടങ്ങിയ പൊതുമേഖല ബാങ്കുകളിലും എച്ച്​.ഡി.എഫ്​.സി, ഐ.സി.ഐ.സി.ഐ പോലുള്ള സ്വകാര്യ സ്ഥാപനങ്ങളിലും വായ്​പ വളർച്ചാ കുറഞ്ഞു. വാഹന, ഭവന വായ്​പകളിലുണ്ടായ ഇടിവാണ്​ വായ്​പ വളർച്ചയെ പ്രധാനമായും പ്രതികൂലമായി ബാധിക്കുന്നത്​. 

Loading...
COMMENTS