നോട്ട്​ നിരോധനത്തി​െൻറ മുറിവുകൾ കൂടുതൽ വ്യക്​തമെന്ന്​ മൻമോഹൻ സിങ്​

ന്യൂഡൽഹി: നോട്ട്​ നിരോധനം മൂലം സമ്പദ്​വ്യവസ്ഥയിലെ ആഴത്തിലുള്ള മുറിവുകൾ കൂടുതൽ വ്യക്​തമെന്ന്​ മുൻ പ്രധാനമന്ത്രി മൻമോഹൻ സിങ്​. നോട്ട്​ നിരോധനത്തി​​​​െൻറ രണ്ടാം വാർഷികത്തിലാണ്​ തീരുമാനത്തെ വിമർശിച്ച്​ മൻമോഹൻ സിങ്​ രംഗത്തെത്തിയിരിക്കുന്നത്​.

കാലം എല്ലാ മുറിവുകളെയും മായ്​ക്കുകയാണ്​ ചെയ്യുക. എന്നാൽ, നോട്ട്​ നിരോധനം മൂലം സമ്പദ്​വ്യവസ്ഥയിലുണ്ടായ മുറിവുകൾ ഇപ്പോൾ കൂടുതൽ വ്യക്​തമാണെന്ന്​ മൻമോഹൻ സിങ്​ പറഞ്ഞു. ദുർചിന്ത നിമിത്തമുണ്ടായ ദുർവിധിയാണ്​ നോട്ട്​ നിരോധനം. അത്​ ഇന്ത്യൻ സമ്പദ്​വ്യവസ്ഥയെ തകർത്തു. ഇതി​​​​െൻറ ആഘാതം എല്ലായിടത്തം പ്രകടമാണ്​. വയസ്​, ലിംഗം, മതം, തൊഴിൽ, വർഗം തുടങ്ങിയ ഒരു വ്യത്യാസവുമില്ലാതെ എല്ലാ വിഭാഗം ജനങ്ങളെയും നോട്ട്​ നിരോധനം ബാധിച്ചുവെന്നും മൻമോഹൻ വ്യക്​തമാക്കി.

ജി.ഡി.പിയിലുണ്ടായ തകർച്ചക്ക്​ പുറമേ നോട്ട്​ നിരോധനത്തിന്​ ശേഷം ചെറുകിട വ്യവസായങ്ങളും പ്രതിസന്ധി നേരിടുകയാണ്​. ഇനിയും നോട്ട്​ നിരോധനം ഏൽപ്പിച്ച ആഘാതത്തിൽ നിന്ന്​ സമ്പദ്​വ്യവസ്ഥ മുക്​തമായിട്ടില്ല. രാജ്യത്തെ തൊഴിലുകളിൽ ഇത്​ വൻ കുറവ്​ സൃഷ്​ടിച്ചു. സാമ്പത്തിക സാഹസങ്ങൾ സമ്പദ്​വ്യവസ്ഥയെ ദീർഘകാലത്തേക്ക്​ പിന്നോട്ടടിപ്പിക്കുമെന്നും അദ്ദേഹം കൂട്ടിച്ചേർത്തു.