എസ്​.ബി.​ഐയിൽ അക്കൗണ്ടുണ്ടോ? നാളെ മുതൽ ചില​ മാറ്റങ്ങളുണ്ട്​

തൃശൂർ: നിങ്ങളു​െട ബാങ്ക്​ സ്​റ്റേറ്റ്​ ബാങ്ക്​ ഒാഫ്​ ഇന്ത്യയാണോ? ഒക്​ടോബർ ഒന്നു മുതൽ ഇടപാടുകളിൽ ചില വ്യത്യാസങ്ങൾ വരുന്നത്​ മനസ്സിലാക്കിയിട്ടില്ലേ?. സ്​റ്റേറ്റ്​ ബാങ്ക്​ ഒാഫ്​ ട്രാവൻകൂർ (എസ്​.ബി.ടി) അടക്കമുള്ള അസോസിയേറ്റ്​ ബാങ്കുകളിലോ ഭാരതീയ മഹിളാ ബാങ്കിലോ നേരത്തെ അക്കൗണ്ട്​ ഉണ്ടായിരുന്നവരാണ്​ നിങ്ങളെങ്കിൽ ഇപ്പോൾ എസ്​.ബി.​െഎയുടെ ഭാഗമായിരിക്കും. അത്തരക്കാർ ചില മാറ്റങ്ങളെക്കുറിച്ച്​ അറിഞ്ഞിരിക്കണം.

കഴിഞ്ഞ ഏപ്രിൽ ഒന്ന്​ മുതലാണ്​​, ഏ​െറ വിമർശനം ക്ഷണിച്ചു വരുത്തിയ മിനിമം ബാലൻസ്​ സൂക്ഷിക്കാത്തതിന്​ പിഴ ചുമത്താനുള്ള തീരുമാനം എസ്​.ബി.​െഎ കൈക്കൊണ്ടത്​. മെട്രോ നഗരങ്ങളിൽ 5000 രൂപയിൽ താഴെയും നഗരങ്ങളിലും അർധ^നഗരങ്ങളിലും 2000 രൂപയിൽ കുറവും ഗ്രാമങ്ങളിൽ 1000 രൂപയിൽ കമ്മിയും അക്കൗണ്ടിൽ സൂക്ഷിക്കുന്നവർക്ക്​ ഒാരോ മാസത്തേയും മിനിമം ബാലൻസ്​ തോത്​ കണക്കാക്കി പിഴ എന്നിങ്ങനെയാണ്​ നിശ്​ചയിച്ചിരുന്നത്​. ഇതനുസരിച്ച്​ ഏപ്രിൽ മുതൽ ജൂൺ വരെയുള്ള മാസങ്ങളിൽ രാജ്യത്തുനിന്ന്​ 235 കോടി രൂപ പിഴ ഇൗടാക്കുകയും ചെയ്​തു. മിനിമം ബാലൻസ്​ ഇല്ലാത്തതിന്​ പിഴ കൊടുക്കേണ്ടി വരുന്നവർക്ക്​ ചെറിയൊരു ആശ്വാസം ഒക്​ടോബർ ഒന്നു മുതൽ എസ്​.ബി.​െഎ പ്രഖ്യാപിച്ചിട്ടുണ്ട്​. മെട്രോ നഗരങ്ങളിൽ 5000 രൂപ എന്നത്​ ഇനി 3000 രൂപ ബാലൻസ്​ നിലനിർത്തിയാൽ മതി. എന്നാൽ നഗര^അർധ നഗരങ്ങളിലും ഗ്രാമങ്ങളിലും പഴയതു പോലെ ബാലൻസ്​ സൂക്ഷിക്കണം.

മിനിമം ബാലൻസ്​ നിലനിർത്താവർ നൽകേണ്ട പിഴ സംഖ്യയിൽ ഇളവ്​ വരുത്തിയതാണ്​ ഒക്​ടോബർ ഒന്നു മുതലുള്ള മറ്റൊരു ആനുകൂല്യം. ഇതുവരെ മെട്രോ നഗരങ്ങളിൽ മിനിമം ബാലൻസ്​ പരിധിയേക്കാൾ 75 ശതമാനത്തിൽ താഴേക്ക്​ പോയാൽ 100 രൂപയും ജി.എസ്​.ടിയുമാണ്​ പിഴ ഇൗടാക്കിയിരുന്നത്​. 50 ശതമാനത്തിൽ താഴെയാണെങ്കിൽ 50 രൂപയും ജി.എസ്​.ടിയുമായിരുന്നു. ഇത്​ 30 മുതൽ 50 രൂപ വരെയായാണ്​ കുറയുന്നത്​. അർധ നഗരങ്ങളിലും ഗ്രാമങ്ങളിലും ജി.എസ്​.ടിക്കു പുറമെ 20 രൂപ മുതൽ 50പിഴ ഇൗടാക്കിയിരുന്നു. അത്​ 20 മുതൽ 40 രൂപ വരെയായാണ്​ കുറയുന്നത്​.

സാമൂഹിക സുരക്ഷ പദ്ധതികൾ ഉൾപ്പെടെയുള്ള പെൻഷൻ വാങ്ങുന്നവരെ മിനിമം ബാലൻസ്​ പരിധിയിൽനിന്ന്​ ഒഴിവാക്കിയതാണ്​ ഒന്നിന്​ നടപ്പാവുന്ന മറ്റൊരു പരിഷ്​ക്കാരം. പ്രായപൂർത്തിയാവാത്തവരുടെ അക്കൗണ്ടിനും മിനിമം ബാലൻസ്​ പരിധിയില്ല. പ്രധാനമന്ത്രി ജൻധൻ യോജന, ബേസിക്​ സേവിങ്​സ്​ ബാങ്ക്​ ഡെപോസിറ്റ്​ എന്നിവയിൽ അക്കൗണ്ടുള്ളവർ നേരത്തെ തന്നെ മിനിമം ബാലൻസ്​ പരിധിക്ക്​ പുറത്തായിരുന്നു. എസ്​.ബി.​െഎയുടെ ആകെ 42 കോടി ഇടപാടുകാരിൽ ഈ രണ്ട്​ അക്കൗണ്ടുള്ളവർ 13 കോടി വരുമെന്നാണ്​ ബാങ്ക്​ പറയുന്നത്​. പുതിയതായി ഒഴിവാക്കപ്പെടുന്നവർ അഞ്ച്​ കോടി വരും.

പ്രധാനമായും ശ്രദ്ധക്കേണ്ട മറ്റൊരു കാര്യം ചെക്ക്​ ബുക്കി​േൻറതാണ്​. ട്രാവൻകൂർ, പട്യാല, ബിക്കാനിർ–ജയ്​പൂർ, മൈസൂർ, ഹൈദരാബാദ്​ എന്നീ പഴയ അസോസിയേറ്റ്​ ബാങ്കുകളിലേയും ഭാരതീയ മഹിളാ ബാങ്കിലേയും ചെക്ക്​ പുസ്​തകങ്ങൾ സെപ്​തംബർ 30ന്​ അസാധുവായി. മുമ്പ്​ ഇൗ ബാങ്കുകളിലെ ചെക്ക്​ ബുക്ക്​ ഉപയോഗിച്ചിരുന്നവർ ഇനി എസ്​.ബി.​െഎയുടെ ചെക്ക്​ തന്നെ ഉപയോഗിക്കണം.