ഡോളറിനെതിരെ രൂപയുടെ മൂല്യം 75​ൽ എത്തുമെന്ന്​ ഫിച്ച്​

16:57 PM
06/12/2018

ന്യൂഡൽഹി: ഡോളറിനെതിരെ രൂപയുടെ വിനിമയ മൂല്യം 75ൽ എത്തുമെന്ന്​ റേറ്റിങ്​ എജൻസിയായ ഫിച്ച്​. 2019 അവസാനത്തോടെ രൂപയുടെ വിനിമയ മൂല്യം 75ലേക്ക്​ എത്തുമെന്നാണ്​ ഫിച്ചി​​​െൻറ പ്രവചനം. കറണ്ട്​ അക്കൗണ്ട്​ കമ്മി വർധിക്കുന്നതും ആഗോള സാമ്പത്തിക രംഗത്തെ പ്രശ്​നങ്ങളുമാണ്​ രൂപയുടെ തകർച്ചക്കുള്ള പ്രധാനകാരണമായി ചൂണ്ടിക്കാട്ടുന്നത്​.

അഞ്ച്​ വർഷത്തിനിടെ ഡോളറിനെതിരെ രൂപയുടെ വിനിമയ മൂല്യ വൻ തകർച്ച നേരിട്ടത്​ ഇൗ വർഷമായിരുന്നു. എന്നാൽ, പിന്നീട്​ രൂപ നേരിയ മുന്നേറ്റം നടത്തിയിരുന്നു. പക്ഷേ പൊതുതെരഞ്ഞെടുപ്പ്​ മെയിൽ നടക്കാനിരിക്കെ രൂപയുടെ മൂല്യം വീണ്ടും ഇടിയുമെന്നാണ്​ പ്രവചനം.

കഴിഞ്ഞ ദിവസം രണ്ടാഴ്​ചക്കിടയിലെ കുറഞ്ഞ നിരക്കിലേക്ക്​ രൂപയുടെ മൂല്യം എത്തിയിരുന്നു. പല ഏഷ്യൻ കറൻസികളും നഷ്​ടത്തിലാണ്​ വ്യാപാരം നടത്തുന്നത്​.

Loading...
COMMENTS