ആഭ്യന്തര വിമാന നിരക്കുകൾ ഉയരും

മുംബൈ: ഇന്ത്യയിൽ ഇനി വിമാന യാത്ര കൂടുതൽ ചിലവുള്ളതായി മാറും.  ആഭ്യന്തര റൂട്ടുകളിൽ വിമാനങ്ങൾക്ക്​ അധിക നികുതി ഇൗടാക്കാനുള്ള കേന്ദ്രസർക്കാർ തീരുമാനമാണ്​ നിരക്ക്​ ഉയരുന്നതിന്​ കാരണം.

മൂന്ന്​ കാറ്റഗറിയിലായാണ്​ പുതിയ നികുതി സർക്കാർ ചുമത്തുക. 1000  കിലോമീറ്റർ വരെയുളള റൂട്ടുകളിൽ 7500 രൂപയും, 1500  കിലോ മീറ്ററിന്​  8000 രൂപയും അതിനു മുകളിൽ 8500 രൂപയും വിമാന കമ്പനികൾ അധിക നികുതി  നൽകേണ്ടി വരും.

വിമാനത്താവളങ്ങളിലെ അടിസ്​ഥാന സൗകര്യങ്ങൾ വികസിപ്പിക്കുന്നതിനായാണ്​ ഇൗ തുക വിനിയോഗിക്കുക. ഡിസംബർ ഒന്ന്​  മുതൽ പുതിയ നികുതി​ ഇൗടാക്കി തുടങ്ങുമെന്ന്​ എവിയേഷൻ സെക്രട്ടറി അറിയിച്ചു.  കേന്ദ്രസർക്കാർ തീരുമാനം പുറത്തു വന്നതോടു കൂടി എയർലൈൻ ഒാഹരികളുടെ വിലയിടിഞ്ഞു.