2008 ആവർത്തിക്കുമോ; ആശങ്കയിൽ ലോകം

2008ലെ ആഗോള സാമ്പത്തിക മാന്ദ്യത്തിന്​ ശേഷം യു.എസ്​ സമ്പദ്​വ്യവസ്ഥയിൽ കാര്യമായ പ്രശ്​നങ്ങളില്ലെന്നാണ്​ ഇതുവര െ വിലയിരുത്തിയിരുന്നത്​. തൊഴിലില്ലായ്​മ നിരക്ക്​ നിയന്ത്രണ​വിധേയമെന്ന്​ കണക്കുകൾ സൂചിപ്പിക്കുന്നു. ഓഹരി വ ിപണിയും കുതിപ്പിലാണ്​. രാജ്യത്തെ ഉപഭോഗത്തിലും കാര്യമായ കുറവില്ല. എങ്കിലും നിഴൽ പോലെ സാമ്പത്തിക മാന്ദ്യം യു. എസിനെ പിന്തുടരുന്നുണ്ടെന്നാണ്​ ചില സാമ്പത്തിക വിദഗ്​ധർ നൽകുന്ന മുന്നറിയിപ്പ്​​.

അമേരിക്കൻ പ്രസിഡൻറ്​ ഡോണൾഡ്​ ട്രംപിൻെറ ഭരണം തന്നെയാണ്​ സ്ഥിതി രൂക്ഷമാക്കിയത്​. ചൈനയുമായുള്ള ട്രംപിൻെറ വ്യാപാര യുദ്ധം ഇരു രാജ്യങ്ങൾക്കും നഷ്​ടങ്ങൾ മാത്രമാണ്​ സമ്മാനിച്ചത്​. ഈയാഴ്​ച ട്വിറ്ററിലും നിറഞ്ഞു നിന്നത്​ ട്രംപും അമേരിക്കയിലെ സാമ്പത്തിക പ്രതിസന്ധിയുമാണ്​.

നിർമാണ മേഖലയിലെ തൊഴിലുകൾ തിരികെ കൊണ്ടു വരുമെന്ന്​ അധികാരമേറ്റെടുത്തപ്പോൾ തന്നെ ട്രംപ്​ പ്രഖ്യാപിച്ചിരുന്നു. എന്നാൽ, ഇതിനായി ട്രംപ്​ സ്വീകരിച്ച്​ മാർഗങ്ങളോടാണ്​ സാമ്പത്തിക ശാസ്​ത്രജ്ഞർക്ക്​ വിയോജിപ്പുള്ളത്​. 2008​െല സാമ്പത്തിക മാന്ദ്യത്തിന്​ ശേഷം ക്രമാനുഗതമായ വളർച്ച യു.എസ്​ സമ്പദ്​വ്യവസ്ഥയിൽ ഉണ്ടാവുന്നുണ്ട്​. പ്രതിസന്ധിക്ക്​ ശേഷം യു.എസ്​ ഭരിച്ച പ്രസിഡൻറുമാരുടെ നയങ്ങളായിരുന്നു വളർച്ചക്ക്​ കാരണം. ഇതിൻെറ ഗുണഭോക്​താവായിരുന്നു ട്രംപെന്നാണ്​ സാമ്പത്തിക വിദഗ്​ധർ ചൂണ്ടിക്കാട്ടുന്നത്​. അദ്ദേഹത്തിൻെറ നയങ്ങൾ മോശമായിരുന്നിട്ടും യു.എസ്​ സമ്പദ്​വ്യവസ്ഥ പിടിച്ചുനിന്നത്​ മുൻ പ്രസിഡൻറുമാരുടെ സാമ്പത്തിക നയങ്ങളുടെ പച്ചപ്പിലായിരുന്നു. ഈ രീതിയിലുള്ള വളർച്ച അധികകാലം മുന്നോട്ട്​ പോവില്ലെന്നാണ്​ വിലയിരുത്തൽ.

യു.എസിൽ നിലവിൽ ഹൃ​സ്വകാല ബോണ്ടുകളുടെ പലിശ നിരക്ക്​ ദീർഘകാല ബോണ്ടുകളേക്കാൾ കൂടുതലാണ്​. സാമ്പത്തിക മാന്ദ്യം ഉണ്ടാവു​േമ്പാഴെല്ലാം ഈയൊരു പ്രതിഭാസം ഉണ്ടാവാറുണ്ട്​. സാധാരണയായി ദീർഘകാല ബോണ്ടുകളുടെ പലിശനിരക്കായിരിക്കും ഉയർന്നിരിക്കുക. ഇതിൽ നിന്ന്​ വ്യത്യസ്​തമായൊരു സ്ഥിതി ഉണ്ടാവുന്നത്​ കാര്യങ്ങൾ ഒട്ടും ഗുണകരമല്ലെന്ന സൂചനയാണ്​ നൽകുന്നത്​. അതേസമയം, യു.എസിൽ തൊഴിലല്ലായ്​മ നിരക്കിലുണ്ടാവുന്ന കുറവ്​ പ്രതീക്ഷക്ക്​ വക നൽകുന്ന ഘടകമാണെങ്കിലും മാന്ദ്യത്തെ തടുക്കാൻ മാത്രം ഇത്​ പര്യാപ്​തമല്ലെന്നാണ്​ സാമ്പത്തിക വിദഗ്​ധർ അഭിപ്രായപ്പെടുന്നത്​​. ഇതിനൊപ്പം ജി.ഡി.പിയിലുണ്ടാവുന്ന കുറവും യു.എസിൽ ആശങ്ക വർധിപ്പിക്കുന്നുണ്ട്​.