കോവിഡ്​ 19: ആർ.ബി.ഐ വായ്​പാ നയം സമ്പദ്​വ്യവസ്ഥ​യെ കരകയറ്റില്ല

കോവിഡ്​19 വൈറസ്​ബാധ ഇന്ത്യൻ സമ്പദ്​ഘടനയെ എല്ലാതരത്തിലും ബാധിച്ച് കഴിഞ്ഞു എന്നതി​​​​െൻറ തെളിവായിരുന്നു ഏപ് രിൽ 17 ന് ആർ.ബി.ഐ പ്രഖ്യാപിച്ച പുതിയ വായ്പാനയം. കഴിഞ്ഞ നാല്​ വർഷങ്ങളിൽ ഇന്ത്യയിലെ ബാങ്കുകൾ വൻകിട വ്യവസായങ്ങൾക്ക് ​ മാത്രം 84 ശതമാനം വായ്പയാണ് നൽകിയത്. ഇതിൽ 45 ശതമാനം കടബാധ്യതയും എഴുതിതള്ളേണ്ട ഗതികേടിലാണ്. ആർ.ബി.ഐ തന്നെ പുറത്തിറ ക്കിയ ധനവിനിയോഗ റിപ്പോർട്ടിലാണ് ഇത്​ സൂചിപ്പിക്കുന്നത്​. അങ്ങനെയിരിക്കെ വീണ്ടും വായ്പനയം ലഘുകരിക്കുന്നത്​​ ​ സമ്പദ്​ഘടനക്ക്​ ഗുണമാവില്ലാ എന്നും, മറിച്ച്​ കൂടുതൽ നിഷ്ക്രിയ ആസ്തികൾ (എൻ.പി.എ ) ഉണ്ടാകാനായിരിക്കും ഇത്​ സഹാ യിക്കുക എന്നുമാണ്​ വിദഗ്ദ്ധർ പറയുന്നത്.

ബാങ്കുകൾ അവരുടെ ചെലവഴിക്കാത്ത പണം ആർ.ബി.ഐയിൽ നിക്ഷേപിക്കുമ്പോൾ അ തിന് നൽകിക്കൊണ്ടിരിക്കുന്ന പലിശനിരക്ക് ഇനിയും കുറയ്ക്കുമെന്നാണ് കേന്ദ്രബാങ്ക്​ പ്രഖ്യാപിച്ചിരിക്കുന്നത്. ആർ.ബി.ഐ റിപ്പോർട്ടുകൾ പ്രകാരം കഴിഞ്ഞ എട്ട്മാസങ്ങളിൽ ബാങ്കുകൾ ആറ് ലക്ഷം കോടി രൂപയാണ് ആർ.ബി.ഐയിൽ നിക്ഷേപിച്ച്​ നാല് ശതമാനം പലിശ ഈടാക്കുന്നത്. ഇത് പിൻവലിച്ച വ്യവസായികൾക്ക്​ ചെറിയ പലിശ നിരക്കിൽ വായ്പ നൽകണം എന്നാണ് ആർ.ബി.ഐ ആവശ്യപ്പെട്ടിരിക്കുന്നത്. പക്ഷെ നിലവിലെ ഇന്ത്യൻ സമ്പദ്ഘടനയിലെ അവസ്ഥയനുസരിച്ച്​ വിലയിരുത്തുകയാണെങ്കിൽ ഇത് കൂടുതൽ സങ്കീർണതകൾ സൃഷ്ടിക്കും എന്നാണ്​ ബാങ്കിങ് മേഖലയിൽ വിദഗ്ധർപറയുന്നത്.

ചെറുകിട-ചില്ലറവിൽപ്പനയും ഇടത്തരം വ്യവസായങ്ങളും കടുത്ത പ്രതിസന്ധി നേരിടുകയാണ്​. കോവിഡ് -19ക്ക്​ മുമ്പു തന്നെ ഇന്ത്യയിൽ തൊഴിലില്ലായ്മ വർദ്ധിച്ചുകൊണ്ടിരുന്നു. ഇപ്പോൾ സ്ഥിതി കൂടുതൽ വഷളായി എന്നാണ്​ ചെറുകിട വ്യവസായികളുടെ സംഘടനയായ എം.എസ്​.എം.ഇ അസോസിയേഷൻ സർക്കാരിനെ അറിയിച്ചിട്ടുള്ളത്.

കേന്ദ്രധനമാന്ത്രാലയം കഴിഞ്ഞ പാർലിമ​​​െൻറ്​ സമ്മേളനത്തിൽ അറിയിച്ചത്​ പോലെ പ്രമുഖ ബാങ്കുകൾ കഴിഞ്ഞ വർഷം വായ്പ നൽകുന്നത്​ പാടെ കുറെച്ചെന്നും ആ പണം അവർ ആർ.ബി.ഐയിൽ നിക്ഷേപിച്ച് ആർ.ബി.ഐ നൽകുന്ന നാല് ശതമാനം പലിശയിൽ തൃപ്​തിപ്പെടുന്ന കാഴ്​ചയാണ്​ കാണുന്നത്​ എന്നുമാണ്​​. എന്തുകൊണ്ട്​ വ്യവസായികൾ വായ്പാസൗകര്യം ഉപയോഗപ്പെടുത്തിന്നില്ല എന്ന പ്രതിപക്ഷത്തി​​​​െൻറ ചോദ്യത്തിന്​ മൗനമായിരുന്നു ഉത്തരം. യഥാർത്ഥത്തിൽ ഇന്ത്യൻ സമ്പദ്​ഘടനയിൽ വന്ന തകർച്ചയായിരുന്നു വായ്​പകൾ കുറയുന്നതിനുള്ള കാരണം.

കോവിഡ്ബാധ ചെറുകിട മേഖലയെ ബാധിച്ചതോടെ, ആ മേഖലയിൽ നൽകിയിട്ടുള്ള വായ്പതിരിച്ചിടക്കൽ വൈകുമെന്നും ഇത് ബാങ്കുകളെ കൂടുതൽ പ്രതിസന്ധിയിലാകുമെന്നാണ് ഇന്ത്യൻ ബാങ്കേഴ്സ് അസോസിയേഷൻ (ഐബിഎ) സർക്കാരിനെ അറിയിച്ചിട്ടുണ്ട്​. ആർ.ബി.ഐ കണക്ക്​ പ്രകാരം ജനുവരി 2020 വരെ ഈ ഇനത്തിൽ 94 ലക്ഷം കോടി രൂപയാണ്​ വായ്പയായി നൽകിയിട്ടുള്ളത്. 2016 സാമ്പത്തിക വർഷം മുതൽ മിക്കവാറും എല്ലാ പ്രധാനബാങ്കുകളും തങ്ങളുടെ വായ്പാനിരക്ക്​ വിപുലീകരിക്കുന്നതിന് റീട്ടെയിൽ വായ്പകളെ ആശ്രയിച്ചിരിക്കുന്നു. ഇത് അതിവേഗം വളരുന്ന വായ്പ വിഭാഗമായിമാറി, 2018 സെപ്റ്റംബറിനും 2019 സെപ്റ്റംബറിനുമിടയിൽ 18 ശതമാനം വർധനവാണ്​ രേഖപ്പെടുത്തിയത്. ഇതി​​​​െൻറ ഗണ്യമായ ഒരുഭാഗം സുരക്ഷിതമല്ലാത്ത വായ്പകളാണ് (വ്യക്തിഗതവായ്പകൾ, ക്രെഡിറ്റ് കാർഡ് കുടിശ്ശിക) എന്നിവയാണ്.

നോട്ട്നിരോധനവും, ഐഎൽ&എഫ്എസ്​ലെയുള്ള ധനവിനിയോഗ സഥാപനങ്ങളുടെ തകർച്ചയും ബാങ്കിങ് മേഖലയെ പിടിച്ച് കുലുക്കിയിട്ടുണ്ട്. കോവിഡ്ബാധ അതിന് ആക്കം കൂട്ടുകയും കൂടുതൽ സങ്കീർണമായ അവസ്ഥയിലേക്കായിരിക്കും കൊണ്ടെത്തിക്കുക എന്നാണ് ഐ.ബി.എ സൂചിപ്പിക്കുന്നത്. ഇങ്ങനെയിരിക്കെ എന്തിനാണ്​ ആർബിഐ കൂടുതൽ വായ്പ നൽകാൻ ആവശ്യപ്പെട്ടിട്ടുള്ളത് എന്ന സംശയത്തിലാണ് സാമ്പത്തികവിദഗ്ധർ. അതുകൊണ്ട്​ തന്നെ ഈ നയങ്ങൾ കോവിഡ്​ സമയത്തോ, അതിനു ശേഷമുള്ള സാഹചര്യത്തിലോ സമ്പദ്ഘടനയിൽ ഒരു തരത്തിലുള്ള അനുകൂല സാഹചര്യം സൃഷ്ടിക്കുകയില്ല എന്നാണ്​ സാമ്പത്തിക വിദഗ്ദ്ധരുടെവാദം.