ആർ.ബി.ഐ വായ്​പനയം ഇന്ന്​; നിരക്ക്​ കുറക്കാൻ സാധ്യത

10:54 AM
04/04/2019
rbi-23

ന്യൂഡൽഹി: ആർ.ബി.ഐ റിപ്പോ, റിവേഴ്​സ്​ റിപ്പോ നിരക്കുകൾ ഇന്ന്​ പ്രഖ്യാപിക്കും. സാമ്പത്തിക വർഷത്തിലെ ആദ്യ പ്രഖ്യാപനത്തിൽ നിരക്കുകൾ കുറക്കാനാണ്​ സാധ്യത. പണപ്പെരുപ്പം, വളർച്ചാ നിരക്ക്​, ലിക്വിഡിറ്റി എന്നിവയെല്ലാം പരിഗണിച്ചാവും ഇക്കാര്യത്തിൽ അന്തിമ തീരുമാനമെടുക്കുക. 

റിപ്പോ നിരക്കിൽ 25 ബേസിക്​ ​പോയിൻറ്​ കുറക്കുമെന്നാണ്​ സാമ്പത്തിക വിദഗ്​ധർ പ്രതീക്ഷിക്കുന്നത്​. കഴിഞ്ഞ തവണയും ആർ.ബി.ഐ പലിശ നിരക്ക്​ 25 ബേസിക്​ പോയിൻറ്​ കുറച്ചിരുന്നു. ആർ.ബി.ഐ നിരക്കുകൾ കുറക്കുന്നതോടെ രാജ്യത്തെ ബാങ്കുകളുടെ വായ്​പ പലിശ  കുറയും. 

ആർ.ബി.ഐയുടെ വായ്​പ പലിശ നിരക്കുകൾ പുറത്ത്​ വരാനിരിക്കെ സെൻസെക്​സും നിഫ്​റ്റിയും നഷ്​ടത്തോടെയാണ്​ വ്യാപാരം ആരംഭിച്ചത്​. ബാങ്കിങ്​, റിയാലിറ്റി, ഓ​ട്ടോ തുടങ്ങിയ ആർ.ബി.ഐ വായ്​പ നയം സ്വാധീനിക്കുന്ന ഓഹരികളിലെല്ലാം സമ്മിശ്ര പ്രതികരണമാണ്​ ഉണ്ടാവുന്നത്​.

Loading...
COMMENTS