ഖത്തർ എയർവേയ്​സ്​ ഇന്ത്യയിൽ വിമാന സർവീസ്​ കമ്പനി ആരംഭിക്കുന്നു

ന്യൂഡൽഹി: ഖത്തർ എയർവേയ്​സ്​ ഇന്ത്യയിൽ വിമാന സർവീസ്​ കമ്പനി ആരംഭിക്കുന്നു. ഖത്തർ എയർവെയ്​സ്​ സി.ഇ.ഒ അക്​ബർ അലി ബക്കറാണ്​ ഇക്കാര്യം ബർലിനിൽ അറിയിച്ചത്​. ഇന്ത്യയിലെ വ്യോമയാന മേഖലയിൽ 100 ശതമാനം വിദേശ നിക്ഷേപത്തിന്​ കേന്ദ്രസർക്കാർ കഴിഞ്ഞ വർഷം ജൂണിൽ അനുമതി നൽകിയിരുന്നു. ഇതിന്​ പിന്നാലെയാണ്​ ഇന്ത്യയിൽ ​പ്രവർത്തനം ആരംഭിക്കാൻ ഖത്തർ  എയർവേയ്​സ്​ തീരുമാനിച്ചിരിക്കുന്നത്​.

ഇന്ത്യയിലെ വിമാന സർവീസ്​ കമ്പനിയായ ഇൻഡിഗോയെ ഏറ്റെടുക്കാൻ ഖത്തർ എയർവേയ്​സ്​ മുമ്പ്​ ശ്രമങ്ങൾ നടത്തിയിരുന്നെങ്കിലും വിജയം കണ്ടിരുന്നില്ല. ഖത്തർ എയർവേയ്​സി​െൻറ നീക്കത്തെ ഇന്ത്യൻ വ്യോമയാന മന്ത്രാലയവും സ്വാഗതം ചെയ്​തു.

വിദേശ എയർലൈൻ കമ്പനികൾ കൂടി ഇന്ത്യൻ വ്യോമയാന മേഖലയിലേക്ക്​ എത്തുന്നതോടെ ഇൗ മേഖലയിലെ മൽസരം കടുക്കും. കുറഞ്ഞ ചിലവിലുള്ള വിമാനയാത്ര ലഭ്യമാകുന്നതിന്​ ഇത്​ കാരണമാവുമെന്ന പ്രതീക്ഷയിലാണ്​ മേഖലയിലെ വിദഗ്​ധർ.