പി.എൻ.ബി തട്ടിപ്പ്​: ബാങ്കി​െൻറ സി.ഇ.ഒയോട്​ വിജിലൻസ്​ കമീഷണർ വിശദീകരണം തേടും

ന്യൂഡൽഹി: കോടികളുടെ തട്ടിപ്പ്​ നടന്ന പഞ്ചാബ്​ നാഷണൽ ബാങ്കി​​​െൻറ ചീഫ്​ എക്​സിക്യൂട്ടീവ്​ ഒാഫീസർ സുനിൽ മേത്തയുമായി കേന്ദ്ര വിജിലൻസ്​ കമീഷണർ കെ.വി ചൗധരി ഇന്ന്​ കൂടിക്കാഴ്​ച നടത്തും. വജ്രവ്യാപാരി നീരവ്​ മോദി ഉൾപ്പെട്ട 11,360 കോടി രൂപയുടെ തട്ടിപ്പിനെ സംബന്ധിച്ച്​ വിശദീകരണം തേടുന്നതിനാണ്​ കൂടിക്കാഴ്​ച. ബാങ്കി​​​െൻറ ചീഫ്​ വിജിലൻസ്​ ഒാഫീസറുമായും കമീഷണർ കൂടിക്കാഴ്​ച നടത്തും. ഡൽഹിയിൽ നടക്കുന്ന യോഗത്തിൽ ധനമന്ത്രാലയത്തിലെ മുതിർന്ന ഉദ്യോഗസ്​ഥരും റിസർവ്​ ബാങ്ക്​ ഒാഫ്​ ഇന്ത്യയുടെ പ്രതിനിധികളും പ​െങ്കടുക്കും. 

നീരവ്​ മോദിയെ സഹായിച്ചെന്ന്​ കരുതുന്ന 200ഒാളം കടലാസു കമ്പനികളും അവയുടെ ബിനാമി ഇടപാടുകളും തട്ടിപ്പ്​ അന്വേഷിക്കുന്ന ഏജൻസികളുടെ നിരീക്ഷണത്തിലാണ്​. ഇൗ കമ്പനികളെ ഉപയോഗിച്ച്​ മോദി കള്ളപ്പണം വെളുപ്പിക്കുകയും ബിനാമി സ്വത്തുക്കൾ വാങ്ങിക്കൂട്ടുകയും ചെയ്​തതായി അധികൃതർ സംശയിക്കുന്നു. ഭൂമി, സ്വർണം, വിലകൂടിയ കല്ലുകൾ എന്നിവയും വാങ്ങിക്കൂട്ടിയിട്ടുണ്ട്​. ഇതേകുറിച്ചാണ്​ ആദായ നികുതി വിഭാഗം അന്വേഷിക്കുന്നത്​. 

നീരവ്​ മോദിയുടെയും മെഹുൽ ചോക്​സിയുടെയും സ്​ഥാപനങ്ങളിൽ എൻഫോഴ്​സ്​മ​​െൻറ്​ ഡയറക്​ടറേറ്റ്​ പരിശോധനകൾ നടത്തി. നീരവ്​ മോദിയുടെയും കുടുംബാംഗങ്ങളുടെതുമായ 29 ഒാളം വസ്​തുവകകൾ ആദായ നികുതി വകുപ്പ്​ താത്​കാലികമായി കണ്ടുകെട്ടിയിട്ടുണ്ട്​.