പി.എൻ.ബി തട്ടിപ്പ്​; അന്വേഷണ ഏജൻസികളിൽ നിന്ന്​ പി.എ.സി തെളിവെടുക്കും

ന്യൂഡൽഹി: പഞ്ചാബ്​ നാഷനൽ ബാങ്ക്​ തട്ടിപ്പ്​ പരിശോധിക്കുന്ന പാർലമ​െൻറി​​െൻറ പബ്ലിക്​ അക്കൗണ്ട്​സ്​ കമ്മിറ്റി (പി.എ.സി)അന്വേഷണ ഏജൻസി ഉദ്യോഗസ്​ഥരിൽ നിന്ന്​ വിശദീകരണം തേടി.

റവന്യൂ സെക്രട്ടറി, എൻഫോഴ്​സ്​മ​െൻറ്​ ഡയറക്​ടറേറ്റ്​, ആദായ നികുതി വകുപ്പ്,​ കസ്​റ്റംസ്​ എന്നിവയിലെ മുതിർന്ന ഉദ്യോഗസ്​ഥരോടാണ്​ വിശദീകരണം ആവശ്യപ്പെട്ടിരിക്കുന്നത്​. സ്വർണ ഇറക്കുമതി കുറ​ക്കൽ ലക്ഷ്യമിട്ട്​ 2013ൽ ആരംഭിച്ച 80:20 സ്വർണ ഇറക്കുമതി പദ്ധതി നീരവ്​ മോദിയും മെഹുൽ ചോക്​സിയും എങ്ങനെയാണ്​ പണം തട്ടിപ്പിന്​ ഉപയോഗപ്പെടുത്തിയത്​ എന്നത്​ സംബന്ധിച്ചാണ്​ പ്രധാനമായും മുതിർന്ന ഉദ്യോഗസ്​ഥരോട്​ ആരായുകയെന്ന്​ പി.എ.സിയിലെ പേര്​ വെളിപ്പെടുത്താത്ത ഒരംഗം പറഞ്ഞു. നിലവിലെ അന്വേഷണത്തെപ്പറ്റിയും ചോദിക്കും. മാർച്ച്​ ഒന്നിനാണ്​ എല്ലാ ഉദ്യോഗസ്​ഥരും ഹാജരാകേണ്ടത്​.