പെട്രോൾ ഡീസൽ വില കുറഞ്ഞു

ന്യൂഡൽഹി: രാജ്യത്ത്​ ഇന്നും പെട്രോൾ ഡീസൽ വില കുറഞ്ഞു. പെട്രോൾ ലിറ്ററി്​ ഒമ്പത്​ മുതൽ 13 പൈസ​വരെയാണ്​ വിവിധ നഗരങ്ങളിൽ കുറഞ്ഞത്​. ഡീസലിന്​ ഏഴ്​ പൈസയും കുറഞ്ഞിട്ടുണ്ട്​. തുടർച്ചയായ മൂന്നാം ദിവസമാണ്​ പെട്രോൾ, ഡീസൽ വില കുറയുന്നത്​.

ഡൽഹി 75.93, കൊൽത്ത 78.61, കൊൽക്കത്ത 83.61  മുംബൈ 78,80 എന്നിങ്ങനെയാണ്​ രാജ്യത്തെ വിവിധ നഗരങ്ങളിലെ പെട്രോൾ വില. ഡൽഹി 67.61, കൊൽക്കത്ത 70.16, മുംബൈ 71.87 എന്നിങ്ങനെയാണ്​ വിവിധ നഗരങ്ങളിലെ ഡീസൽ വില.

കർണാടക തെരഞ്ഞെടുപ്പ്​ ഫലം പുറത്ത്​ വന്നതി​ന്​ പിന്നാലെ പെട്രോൾ ഡീസൽ വില തുടർച്ചയായി കൂടിയിരുന്നു. ഇതിനെതിരെ പ്രതിഷേധം ഉയരുന്നതിനിടെ എണ്ണകമ്പനികൾ വില കുറച്ചിരുന്നു. അതേ സമയം, എണ്ണ ഉൽപാദക രാജ്യങ്ങളുടെ സംഘടനയായ ഒപെക്​ ഉൽപാദനം കൂട്ടുമെന്ന്​ അറിയിച്ചിട്ടുണ്ട്​. ഇൗ സാഹചര്യത്തിൽ വരും ദിവസങ്ങളിലും എണ്ണ വില കുറയാനാണ്​ സാധ്യത.