പെട്രോൾ വില സർവകാല റെക്കോർഡിൽ; ലിറ്ററിന് 78.61 രൂപ

കോഴിക്കോട്: സംസ്ഥാനത്ത് ഇന്ധന വില സർവകാല റെക്കോർഡിലെത്തി. പെട്രോൾ വില ലിറ്ററിന് 14 പൈസ കൂടി 78.61 രൂപയിലെത്തി. 19 പൈസ കൂടി 71.52 രൂപയാണ് ഇന്ന് തലസ്ഥാനത്തെ ഡീസൽ വില.

രാജ്യാന്തര വിപണിയിൽ ക്രൂഡ് ഒായിലിന്‍റെ വില വർധിച്ചതാണ് ഇന്ത്യൻ വിപണിയിൽ പെട്രോൾ വില വർധിക്കുന്നതിന് വഴിവെച്ചത്. 2013 സെപ്റ്റംബറിൽ പെട്രോൾ ലിറ്ററിന് 78.47 രൂപയും ഡീസലിന് 71.29 രൂപയും ആയിരുന്നു. അതിന് ശേഷമുള്ള ഏറ്റവും കൂടിയ വിലയാണിത്. 

രാജ്യാന്തര വിപണിയിൽ ക്രൂഡ് ഒായിൽ ബാരലിന് 75 ഡോളറിലേക്ക് എത്തുകയാണ്.