പെട്രോളിന്​ 2.50 രൂപയും ഡീസലിനും 2.47 രൂപയും കൂട്ടി

ന്യൂഡൽഹി: കേന്ദ്ര ബജറ്റിൽ പെട്രോളിനും ഡീസലിനും നികുതി കൂട്ടാൻ തീരുമാനിച്ചതിന്​ പിന്നാലെ എണ്ണ വില വർധിപ്പി ച്ച്​ കമ്പനികൾ. പെട്രോൾ ലിറ്ററിന്​ 2.50 രൂപയും ഡീസലിന്​ 2.47 രൂപയുമാണ്​ കൂട്ടിയത്​.

ധനമന്ത്രി നിർമല സീതാരാമൻ അവതരിപ്പിച്ച കേന്ദ്ര ബജറ്റിൽ പെട്രോളിനും ഡീസലിനും ഒരു രൂപ വീതം എക്​സൈസ്​ നികുതി, റോഡ്​ അടിസ്ഥാന സൗകര്യ സെസ്​ എന്നിവ വർധിപ്പിച്ചിരുന്നു.

നിലവിൽ പെട്രോളിനും 17.98 രൂപ ​ഡീസലിന്​ 13.83 രൂപയും എക്​സൈസ്​ ഡ്യൂട്ടി ചുമത്തുന്നുണ്ട്​. ഇതിന്​ പുറമേ വിവിധ സംസ്ഥാനങ്ങൾ പെട്രോളിനും ഡീസലിനും മുകളിൽ വാറ്റും ചുമത്തുന്നുണ്ട്​.