Begin typing your search above and press return to search.
exit_to_app
exit_to_app
Homechevron_rightBusinesschevron_rightBiz Newschevron_rightഇന്ധന വില കുറച്ചു;...

ഇന്ധന വില കുറച്ചു; ഒാഹരി വിപണിയിൽ എണ്ണ കമ്പനികൾക്ക്​ തിരിച്ചടി

text_fields
bookmark_border
ഇന്ധന വില കുറച്ചു; ഒാഹരി വിപണിയിൽ എണ്ണ കമ്പനികൾക്ക്​ തിരിച്ചടി
cancel

മുംബൈ: രാജ്യത്തെ പെട്രോൾ-ഡീസൽ വില രണ്ടര രൂപ കുറക്കാനുള്ള ​േ​കന്ദ്രസർക്കാർ തീരുമാനം പുറത്ത്​ വന്നതിന്​ പിന്നാലെ ഒാഹരി വിപണിയിൽ എണ്ണ കമ്പനികൾക്ക്​ തിരിച്ചടി. ഇന്ത്യൻ ഒായിൽ കോർപ്പറേഷൻ ഉൾപ്പടെയുള്ള പൊതുമേഖല എണ്ണ കമ്പനികളുടെ ഒാഹരികൾ 20 ശതമാനം നഷ്​ടത്തിലാണ്​ വ്യാപാരം നടത്തുന്നത്​. പെട്രോൾ-ഡീസൽ വില നിർണയാധികാരം വീണ്ടും കേന്ദ്രസർക്കാറിലേക്ക്​ എത്തുമോയെന്ന ആശങ്കയാണ്​ ഇപ്പോഴത്തെ തിരിച്ചടിക്ക്​ കാരണം.

2012 മുതൽ പെട്രോൾ വിലയും 2014 മുതൽ ഡീസൽ വിലയും തീരുമാനിക്കുന്നത്​ എണ്ണ കമ്പനികളാണ്​. പ്രതിദിനം എണ്ണവില മാറ്റുന്ന രീതിയും കമ്പനികൾ നടപ്പിലാക്കിയിരുന്നു. എന്നാൽ, പെട്രോൾ-ഡീസൽ വില റെക്കോർഡുകൾ ഭേദിച്ച്​ മുന്നേറിയതോടെയാണ്​ കേന്ദ്രസർക്കാർ ഇക്കാര്യത്തിൽ ഇടപെടാൻ തീരുമാനിച്ചത്​. തുടർന്ന്​ പ്രധാനമന്ത്രി നരേ​ന്ദ്രമോദിയുടെ അധ്യക്ഷതയിൽ ചേർന്ന യോഗത്തിൽ ഇന്ധനവില കുറക്കാൻ തീരുമാനിക്കുകയായിരുന്നു.

എക്​സൈസ്​ ഡ്യൂട്ടി ഇനത്തിൽ കേന്ദ്രസർക്കാർ ഒന്നര രൂപയും എണ്ണ കമ്പനികൾ ഒരു രുപയും പെട്രോളിനും ഡീസലിനും കുറക്കുകയായിരുന്നു. രൂപയുടെ മൂല്യം ഇടിയുന്നത്​ തുടർന്നാൽ ഇന്ധനവില നിശ്​ചയിക്കുന്നതിൽ കേന്ദ്രസർക്കാർ കൂടുതൽ ഇടപെടൽ നടത്തുമെന്ന ആശങ്ക നില നിൽക്കുന്നുണ്ട്​. ബോ​ംബെ സ്​റ്റോക്​ എക്​സ്​ചേഞ്ചിൽ ഒായിൽ ഗ്യാസ്​ ഇൻഡക്​സ്​ 15 ശതമാനം നഷ്​ടത്തോടെയാണ്​ ഇപ്പോൾ വ്യാപാരം നടത്തുന്നത്​. വരും ദിവസങ്ങളിലും സർക്കാർ സമ്മർദത്തിന്​ വഴങ്ങി ഇന്ധനവില കുറക്കാൻ കമ്പനികൾ നിർബന്ധിതമായാൽ ഒാഹരി വിപണിയിൽ ഇവരുടെ നില പരുങ്ങലിലാവും

Show Full Article
TAGS:petrol diesel price cut share market business news malayalam news 
News Summary - Petrol, Diesel Price Cut impact on share market-Business news
Next Story