ജി.എസ്​.ടി ആനുകൂല്യം ജനങ്ങൾക്ക്​ നൽകിയില്ല; രാംദേവി​െൻറ പതഞ്​ജലിക്ക്​ 75 കോടി പിഴ

ന്യൂഡൽഹി: ജി.എസ്​.ടി ആനുകൂല്യങ്ങൾ ജനങ്ങൾക്ക്​ നൽകാത്തതിനെ തുടർന്ന്​ ബാബ രാംദേവി​​െൻറ പതഞ്​ജലി ഗ്രൂപ്പിന്​ 75 കോടി പിഴ. ദേശീയ ആൻറി പ്രൊഫിറ്ററിങ്​ അതോറിറ്റിയാണ്​ പിഴയിട്ടത്​. ജി.എസ്​.ടി നിരക്ക്​ കുറച്ചിട്ടും അതി​​െൻറ അ നുകൂല്യം നൽകാതെ ഉയർന്ന വിലക്ക്​ ഉൽപന്നങ്ങൾ വിറ്റതാണ്​ പതഞ്​ജലിക്ക്​ തിരിച്ചടിയായത്​.

പിഴ തുകയും 18 ശതമാനം ജി.എസ്​.ടിയും ​രാംദേവി​​െൻറ കമ്പനി അടക്കണമെന്ന്​ ഉത്തരവിൽ വ്യക്​തമാക്കുന്നു. വാഷിങ്​ പൗഡർ ഉൾപ്പടെയുള്ള ചില ഉൽപന്നങ്ങളുടെ നികുതി 28 ശതമാനത്തിൽ നിന്ന്​ 18 ആയും പിന്നീട്​ 12 ശതമാനമായും കുറച്ചിരുന്നു. എന്നാൽ, നികുതി കുറവി​​െൻറ ആനുകൂല്യം ജനങ്ങൾക്ക്​ നൽകിയില്ലെന്നതാണ്​ പതഞ്​ജലിക്ക്​ എതിരായ കുറ്റം.

മൂന്നു മാസത്തിനകം സംസ്ഥാനങ്ങളുടെയും കേന്ദ്രത്തി​​െൻറയും ഫണ്ടുകളിൽ തുക നിക്ഷേപിക്കണമെന്നാണ്​ നിർദേശം. ജി.എസ്​.ടി നിരക്കുകളിൽ നൽകിയ ഇളവുകളുടെ ആനുകൂല്യം ഉപഭോക്​താക്കൾക്ക്​ ലഭിക്കുന്നുണ്ടെന്ന്​ ഉറപ്പു വരുത്താനാണ്​ കേന്ദ്രസർക്കാർ ദേശീയ ആൻറി പ്രൊഫിറ്ററിങ്​ അതോറിറ്റിക്ക്​ രൂപം നൽകിയത്​.