പാൻ-ആധാർ ബന്ധിപ്പിക്കൽ മാർച്ച്​ 31 വരെ നീട്ടി

ന്യൂഡൽഹി: പാൻ കാർഡ്​ ആധാറുമായി ബന്ധിപ്പിക്കാനുള്ള അവസാന തീയതി നീട്ടി. 2020 മാർച്ച്​ 31 വരെയാണ്​ നീട്ടിയത്​. പാൻ കാർഡ്​ ആധാർ കാർഡുമായി ബന്ധിപ്പിക്കാനുള്ള സമയ പരിധി ഇന്ന്​ അവസാനിക്കാനിരിക്കെയാണ്​ ഇതിനുള്ള അവസാന തീയതി കേന്ദ്ര സർക്കാർ നീട്ടി നൽകിയത്​.

പാൻ കാർഡിലേയോ ആധാറിലേയോ വിവരങ്ങളിലെ പിശക്​ മൂലമോ മറ്റ്​ കാരണങ്ങളാലോ ഇവ രണ്ടും ബന്ധിപ്പിക്കാൻ സാധിക്കാത്തവർക്ക്​​ ആശ്വാസകരമാണ്​ പുതിയ തീരുമാനം. മാർച്ച്​ 31നോ അതിന്​ മുമ്പോ ആധാറുമായി ബന്ധിപ്പിച്ചില്ലെങ്കിൽ പാൻ കാർഡ് പ്രവർത്തന രഹിതമാവും. പാൻ പ്രവർത്തന രഹിതമായാൽ അവ ആവശ്യമായ സാമ്പത്തിക ഇടപാടുകൾ നടത്താൻ വ്യക്തിക്ക്​ സാധിക്കാതെ വരും.

UIDPAN<12 Digit Aadhaar><10 Digit PAN എന്ന ഫോർമാറ്റിൽ 567678 അല്ലെങ്കിൽ 56161 എന്നീ നമ്പറുകളിൽ ഒന്നിലേക്ക്​ സന്ദേശം അയച്ചോ, ഇ- ഫയലിങ്​ വെബ്​സൈറ്റ്​ വഴിയോ പാൻ കാർഡുമായി ബന്ധപ്പെട്ട സേവനങ്ങൾ നൽകുന്ന കേന്ദ്രങ്ങളിൽ ഫോറം പൂരിപ്പിച്ച്​ നൽകിയോ പാൻ കാർഡ്​ ആധാറുമായി ബന്ധിപ്പിക്കാവുന്നതാണ്​.