കൈയിൽ പണമില്ല; വായ്​പ തിരിച്ചടക്കാനാവില്ലെന്ന്​ അനിൽ അംബാനി

15:32 PM
08/02/2020
anil amban

മുംബൈ: ചൈനീസ്​ ബാങ്കുകളിൽ നിന്നെടുത്ത 680 മില്യൺ ഡോളർ (4860 കോടി രൂപ) വായ്​പ തിരികെ നൽകാൻ കഴിയില്ലെന്ന്​ റിലയൻസ്​ കമ്മ്യൂണിക്കേഷൻ മുൻ ചെയർമാൻ അനിൽ അംബാനി. മൂന്ന്​ ചൈനീസ്​ ബാങ്കുകൾ യു.കെയിൽ നൽകിയ കേസിലാണ്​ അനിൽ അംബാനിയുടെ മറുപടി. ഇൻഡസ്​ട്രിയൽ കോമേഴ്​സ്യൽ ബാങ്ക്​ ഓഫ്​ ചൈന, ചൈനീസ്​ ഡെവലപ്​​മ​​െൻറ്​ ബാങ്ക്​, എക്​സ്​പോർട്ട്​ ആൻഡ്​ ഇംപോർട്ട്​ ബാങ്ക്​ ഓഫ്​ ചൈന എന്നിവരാണ്​ യു.കെ കോടതിയിൽ അനിലിനെതിരെ കേസ്​ നൽകിയത്​.

മൂന്ന്​ ബാങ്കുകളും കൂടി അനിൽ അംബാനിയുടെ വ്യക്​തിഗത ജാമ്യത്തിൽ റിലയൻസ്​ കമ്മ്യൂണിക്കേഷന്​ 925 മില്യൺ ഡോളർ വായ്​പ നൽകിയിരുന്നു. ഇതിൽ ഒരു ഭാഗം കമ്പനി അടച്ചുതീർത്തെങ്കിലും 2017 ഫെബ്രുവരി മുതൽ വായ്​പ തിരിച്ചടവ്​ മുടങ്ങി. കേസിനുള്ള മറുപടിയായി തൻെറ ഓഹരികളുടെ മൂല്യം 82.4 മില്യൺ ഡോളറായി ചുരുങ്ങിയെന്ന്​ അനിൽ അംബാനി അറിയിച്ചു. ബാധ്യതകൾ കഴിഞ്ഞ്​ തൻെറ കൈയിൽ നിലവിലുള്ള ആസ്​തിയുടെ മൂല്യം പൂജ്യമാണെന്ന്​ അനിൽ അംബാനി വ്യക്​തമാക്കി. വായ്​പ തിരിച്ചടവിനായി തൻെറ കൈവശം സ്വത്തുക്കളൊന്നും ഇല്ലെന്നും അദ്ദേഹം വ്യക്​തമാക്കി. വെള്ളിയാഴ്​ചയാണ്​ അനിൽ അംബാനി കോടതിയിൽ ഇക്കാര്യം അറിയിച്ചത്​. 

സഹോദരൻ മുകേഷ്​ അംബാനിയുൾപ്പടെയുള്ളവരിൽ വായ്​പ തിരിച്ചടവിനുള്ള പണം സ്വരൂപിക്കാൻ കഴിയില്ലെന്നും അനിൽ അംബാനി കോടതിയിൽ വ്യക്​തമാക്കിയിട്ടുണ്ട്​. ഏഷ്യയിലെ ഏറ്റവും വലിയ ധനികനും അനിൽ അംബാനിയുടെ സഹോദരനുമായ മുകേഷ്​ അംബാനിയുടെ ആകെ ആസ്​തി 55.6 ബില്യൺ ഡോളറാണ്​.

Loading...
COMMENTS