വിദേശ വെബ്​പോർട്ടലുകളിൽ നിന്നുള്ള ഡൗ​ൺലോഡിങ്ങിന്​ ഇനി ചിലവേറും

മുംബൈ: വിദേശ പോർട്ടലുകളിൽ നിന്നുള്ള സംഗീതം, ഇ-ബുക്​സ്​ എന്നിവയുടെ ഡൗൺലോഡിങ്ങിന്​ ഡിസംബർ ഒന്നു മുതൽ സർക്കാർ 15 ശതമാനം സേവന നികുതി ചുമത്താൻ തീരുമാനിച്ചു. ഇതോടെ വിദേശ വൈബ്​ പോർട്ടലുകളിൽ നിന്നുള്ള ഡൗൺലോഡിങ്ങിന്​ ഇനി ചിലവ്​ കൂടും.

ആഭ്യന്തര വെബ്​ പോർട്ടലുകളിൽ നിന്നുള്ള സിനിമകളുൾപ്പടെയള്ളവയുടെ ഡൗൺലോഡിങ്ങിന്​​ സർക്കാർ നേരത്തെ തന്നെ നികുതി ചുമത്തിയിരുന്നു.  എന്നാൽ വിദേശ വെബ്​ പോർട്ടലുകൾക്ക്​ ബിസിനസ്​ ടു ബിസിനസ്​ ഇടപാടുകൾക്ക്​ മാത്രമേ
നികുതി ചുമത്തിയിരുന്നുള്ളു. അതിൽ തന്നെ ജേണലുകളും മറ്റുംവാങ്ങുന്നതിന്​ ഇളവ്​ നൽകിയിരുന്നു.
 
കേന്ദ്രസർക്കാരിന്​ കീഴിലുള്ള എക്​സൈസ്​ ആൻഡ്​ കസറ്റംസ്​ ബോർഡാണ്​ പുതിയ തീരുമാനത്തിന്​ പിന്നിൽ.   ഇതോടുകൂടി വിദേശ വെബ്​ പോർട്ടലുകളിൽ നിന്നുള്ള സംഗീതം, ഇ-ബുക്​സ്​, ഗെയിമിങ്​ എന്നിവയുടെ ഡൗൺലോഡിങ്ങ്​ കൂടുതൽ ചിലവുള്ളതായി മാറും. പുതിയ നിയമത്തി​െൻറ വരവോടു കൂടി വിദേശ പോർട്ടലുകളിൽ നിന്നും അഭ്യന്തര പോർട്ടലുകളിൽ നിന്നുമുള്ള ഡൗൺലോഡിങും സേവന  നികുതിയുടെ പരിധിയിൽ വരും.