മെയ്​ക്ക്​ ഇൻ ഇന്ത്യ മതിയായ തൊഴിൽ സൃഷ്​ടിച്ചില്ലെന്ന്​​ എൽ ആൻഡ് ടി ചെയർമാൻ

17:22 PM
19/08/2019
L&T-group-chairman-AM-Naik

ന്യൂഡൽഹി: നരേന്ദ്രമോദി സർക്കാറിൻെറ സ്വപ്​ന പദ്ധതിയായ ‘മെയ്​ക്ക്​ ഇൻ ഇന്ത്യ’ മതിയായ തൊഴിലവസരങ്ങൾ സൃഷ്​ടിക്കുന്നതിൽ പരാജയ​പ്പെ​ട്ടെന്ന്​ ലാർസൻ ആൻഡ്​ ടൂബ്രോ(എൽ ആൻഡ്​ ടി) ചെയർമാൻ എ.എം. നായിക്​. 

ഭൂരിഭാഗം കമ്പനികളും പ്രാദേശികമായി നിർമിക്കുന്നതിനേക്കാൾ ഇറക്കുമതി ചെയ്യുന്ന സാധനങ്ങൾക്ക്​ പ്രാധാന്യം നൽകുന്നതാണ്​ ഇതിന്​ കാരണമായി അദ്ദേഹം ചൂണ്ടിക്കാട്ടുന്നത്​. ബിസിനസിൽ പണമിറക്കാനുള്ള ബുദ്ധിമുട്ട്​ അനുഭവിക്കുന്ന ഇന്ത്യൻ കമ്പനികൾക്ക്​ കടമായി സാധനങ്ങൾ ഇറക്കുമതി ചെയ്യാൻ സൗകര്യമുള്ളതിനാൽ ആ മാർഗം അവലംബിക്കുകയാണ്​. 

ഇന്ത്യയിൽ തൊഴിലില്ലായ്​മ രൂക്ഷമാണെന്നാണ്​ സ​െൻറർ ഫോർ മോണിറ്ററിങ്​ ഇന്ത്യൻ ഇക്കോണമി(സി.എം.ഐ.ഇ) ഉൾപ്പെടെയുള്ള വിവിധ പോർട്ടലുകൾ പുറത്തു വിടുന്ന വിവരം.
 

Loading...
COMMENTS