രാജ്യത്ത്​ ഒരു വർഷത്തേക്ക്​ പുതിയ പദ്ധതികളില്ല -ധനമന്ത്രാലയം

ന്യൂഡൽഹി: കോവിഡ്​ 19 ൻെറ പശ്ചാത്തലത്തിൽ രാജ്യത്ത് ഒരു വർഷത്തേക്ക്​ പുതിയ പദ്ധതികളൊന്ന​ും ആവിഷ്​കരിക്കില്ലെന്ന്​ ധനമന്ത്രാലയം. 

അതേസമയം കോവിഡ്​ സാമ്പത്തിക പാക്കേജായി പ്രഖ്യാപിച്ച പി.എം ഗരീബ്​ കല്യാൺ പാക്കേജ്​, ആത്മനിർഭർ ഭാരത്​ അഭിയാൻ തുടങ്ങിയ പ്രത്യേക പദ്ധതികൾ നടപ്പാക്കും. പ്രത്യേക പാക്കേജുകളിൽ പ്രഖ്യാപിച്ചവ ഒഴികെ ബാക്കിയെല്ലാം 2021 മാർച്ച്​ 31 വരെ റദ്ദാക്ക​ുമെന്നും ധനമ​ന്ത്രാലയം അറിയിച്ചു.

ബജറ്റ്​ പ്രകാരം അംഗീകരിച്ച പദ്ധതികളും മാർച്ച്​ 31 വരെ നിർത്തിവെക്കും. പുതിയ പദ്ധതികൾ അംഗീകരിക്കുന്നതിനായി അപേക്ഷ സമർപ്പിക്കുന്നത്​ നിർത്തിവെക്കാൻ മറ്റെല്ലാ മന്ത്രാലയങ്ങൾക്കും  ധനമന്ത്രാലയം നിർദേശം നൽകി. 

കോവിഡ്​ രോഗികളുടെ എണ്ണം കൂടുന്നതോടെ ആരോഗ്യ ​മേഖലയിലേക്ക്​ കൂടുതൽ ശ്രദ്ധപതിപ്പിക്കേണ്ടി വരും. രാജ്യത്തെ കോവിഡ്​ ബാധിതരുടെ എണ്ണം കൂടുന്നതിനെ തുടർന്നാണ്​ ധനമന്ത്രാലയത്തിൻെറ തീരുമാനം.

Latest Video: