സാമ്പത്തിക ക്രമക്കേട്​; നിസാൻ തലവൻ അറസ്​റ്റിൽ

ടോ​ക്യോ: പ്ര​മു​ഖ ജാ​പ്പ​നീ​സ്​ കാ​ർ നി​ർ​മാ​താ​ക്ക​ളാ​യ നി​സാ​ൻ ചെ​യ​ർ​മാ​ൻ കാ​ർ​ലോ​സ്​ ഗോ​സ​നെ സാമ്പത്തിക ക്രമക്കേട് കണ്ടെത്തിതിനെ തുടർന്ന്​ അറസ്​റ്റ്​ ചെയ്​തു. ഗോസനെ പു​റ​ത്താ​ക്കാ​ൻ തീ​രു​മാ​നി​ച്ച​താ​യി ക​മ്പ​നി അറിയിച്ചതിന്​ പിന്നാലെയാണ്​ ഒാ​േട്ടാമൊബൈൽ രംഗത്തെ ഞെട്ടിച്ച അറസ്​റ്റ്​.

വ്യാ​പ​ക​മാ​യ സാ​മ്പ​ത്തി​ക ദു​ർ​വ്യ​യ​ങ്ങ​ൾ ക​ണ്ടെ​ത്തി​യ​തി​നെ തു​ട​ർ​ന്നാ​ണ്​ ന​ട​പ​ടി​ സ്വീകരിച്ചതെ​ന്ന്​ ക​മ്പ​നി ​വൃ​ത്ത​ങ്ങ​ൾ വെ​ളി​പ്പെ​ടു​ത്തി. മാ​സ​ങ്ങ​ൾ നീ​ണ്ട പ​രി​ശോ​ധ​ന​യി​ലും അ​ന്വേ​ഷ​ണ​ത്തി​ലു​മാ​ണ്​ സാ​മ്പ​ത്തി​ക സ്വ​ഭാ​വ​ദൂ​ഷ്യം ക​ണ്ടെ​ത്തി​യ​ത്. ക​മ്പ​നി​യു​ടെ സ​മ്പ​ത്ത്​ വ്യ​ക്തി​പ​ര​മാ​യ ആ​വ​ശ്യ​ങ്ങ​ൾ​ക്ക്​​ ഉ​പ​യോ​ഗി​ച്ച​തും ശ​മ്പ​ള വി​വ​ര​ങ്ങ​ൾ തെ​റ്റാ​യി കാ​ണി​ച്ചതുമട​ക്ക​മു​ള്ള കാ​ര്യ​ങ്ങ​ളാ​ണ്​ അ​ന്വേ​ഷ​ണ​ത്തി​ൽ തെ​ളി​ഞ്ഞ​ത്. സം​ഭ​വ​ത്തി​ൽ നി​സാ​നി​​െൻറ നി​ക്ഷേ​പ​ക​ർ​ക്കും മ​റ്റു​ള്ള​വ​ർ​ക്കു​മു​ണ്ടാ​യ ആ​ശ​ങ്ക​യി​ൽ ക​മ്പ​നി ക്ഷ​മ​ചോ​ദി​ച്ചു. കു​റ്റ​കൃ​ത്യ​വു​മാ​യി ബ​ന്ധ​പ്പെ​ട്ട രേ​ഖ​ക​ൾ ജ​പ്പാ​ൻ പ​ബ്ലി​ക്​ പ്രോ​സി​ക്യൂ​ട്ട​ർ​ക്ക്​​ ന​ൽ​കു​മെ​ന്നും വ്യ​ക്ത​മാ​ക്കി​യി​ട്ടു​ണ്ട്.

ഗോ​സ​​​െൻറ​ അ​റ​സ്​​റ്റ്​ കമ്പനി അധികൃതർ സ്​ഥിരീകരിച്ചെങ്കിലും ജപ്പാൻ പ​ബ്ലി​ക്​ പ്രോ​സി​ക്യൂ​ട്ട​ർ​ പ്രതികരിച്ചിട്ടില്ല. സാ​മ്പ​ത്തി​ക ക്ര​മ​ക്കേ​ടു​ക​ൾ​ക്ക്​ കൂ​ട്ടു​നി​ന്ന ക​മ്പ​നി​യു​ടെ സീ​നി​യ​ർ എ​ക്​​സി​ക്യൂ​ട്ടി​വ്​ ഗ്രെ​ഗ്​ കെ​ല്ലി​യെ​യും പു​റ​ത്താ​ക്കി​യേ​ക്കു​മെ​ന്ന്​ നി​സാ​ൻ അ​റി​യി​ച്ചു. ഗോ​സ​ൻ വാ​ഹ​ന നി​ർ​മാ​ണ കമ്പനികളായ റി​നോ​യു​ടെ​യും മി​ത്​​സു​ബി​ഷി​യു​ടെ​യും ചെ​യ​ർ​മാ​ൻ പ​ദ​വി​കൂ​ടി വ​ഹി​ക്കു​ന്നു​ണ്ട്. ഗോ​സ​​​െൻറ അറസ്​റ്റ്​ പു​റ​ത്തു​വ​ന്ന​തോ​ടെ ഒാ​ഹ​രി വി​പ​ണി​യി​ൽ റി​നോ​യു​ടെ മൂ​ല്യ​മി​ടി​ഞ്ഞു.