ലോകത്തിലെ ഏറ്റവും ‘ചെലവേറിയ’ വിവാഹമോചനം; ഒറ്റ ദിനം കൊണ്ട്​ കോടീശ്വരിയായി ചൈനീസ്​ വനിത

ബെയ്​ജിങ്​: ഏഷ്യയി​െല ഏറ്റവും ‘ചെലവേറിയ’ വിവാഹമോചനത്തിലൂടെ കോടീശ്വരിയായി മാറിയിരിക്കുകയാണ്​ യുവാൻ ലിപിങ്​ എന്ന ചൈനീസ്​ വനിത. ഷെൻസായ്​ കങ്​തായ്​ ബയോളജികൽ പ്രൊഡക്​ട്​സ് എന്ന വാക്​സിൻ​ കമ്പനി ഉടമയായ ഡു വെയ്​മിനാണ്​ വിവാഹമോചനം നേടിയതിന്​ നഷ്​ടപരിഹാരമായി 161.3 ദശലക്ഷം ഓഹരി മുൻഭാര്യയുടെ പേരിലേക്ക്​ മാറ്റിയത്​. 

വിപണിയിൽ 320 കോടി ഡോളർ വിലമതിക്കുന്ന ഓഹരികൾ സ്വന്തം പേരിലായതോടെ യുവാൻ കണ്ണടച്ച്​ തുറക്കും മുമ്പ്​ കോടീശ്വരിയായി. ഓഹരികൾ സ്വന്തമായെങ്കിലും വോട്ടിങ്ങിനുള്ള അവകാശം മുൻ ഭർത്താവിന്​ നൽകു​ന്നതായാണ്​ അവർ കരാർ ഒപ്പിട്ടത്​. കനേഡിയൻ പൗരയായ യുവാൻ 2011 മെയ് മുതൽ 2018 ആഗസ്​റ്റ്​ വരെ കങ്​തായ്​ കമ്പനിയുടെ ഡയറക്​ടറായി പ്രവർത്തിച്ചു. ഉപകമ്പനിയായ ബെയ്​ജിങ്​ മിൻഹായ്​ ബയോടെക്​നോളജിയുടെ വൈസ്​ ജനറൽ മാനേജരായി പ്രവർത്തിച്ചുവരികയായിരുന്നു. 

ബെയ്​ജിങ്ങിലെ ഇൻറർനാഷനൽ ബിസിനസ് ആൻഡ്​ ഇക്കണോമിക്​സ്​ സർവകലാശാലയിൽ നിന്നും സാമ്പത്തിക ശാസ്​ത്രത്തിൽ ബിരുദം കരസ്​ഥമാക്കിയിട്ടുണ്ട്​. കോവിഡ്​ 19നുള്ള വാക്​സിന്​ നിർമിച്ചുകൊണ്ടിരിക്കുകയാണെന്ന വാർത്തയെത്തുടർന്ന്​ കമ്പനിയുടെ ഓഹരികൾക്ക്​ മികച്ച വളർച്ചയായിരുന്നു കഴിഞ്ഞ കുറച്ചുകാലമായി രേഖപ്പെടുത്തിയിരുന്നത്​. എന്നാൽ വിവാഹമോചന വാർത്ത പുറത്തു വന്നതോടെ നേരിയ ഇടിവ്​ നേരിടുന്നുണ്ട്​. ഇതേ​ാടെ ഡുവി​​െൻറ  മൊത്തം ആസ്തി​ 650 കോടി ഡോളറിൽ നിന്നും 310 കോടി ഡോളറായി ഇടിഞ്ഞു. 

ചൈനയിൽ വിവാഹമോചനത്തിനായി കോടികൾ നഷ്​ടപരിഹാരം നൽകേണ്ടി വരുന്ന ആദ്യ ബിസിനസുകാരനല്ല ഡു. ഒരുകാലത്ത്​ രാജ്യത്തെ ഏറ്റവും ധനികയായിരുന്ന വു യജുൻ മുൻഭർത്താവായ കായ്​ ക്വിയിൽ നിന്ന്​ വിവാഹമോചനം നേടാനായി 230 കോടി ഡോളറി​​െൻറ ഓഹരിയാണ്​ മാറ്റി എഴുതിയത്​. ടെക്​ ഭീമൻ സൂ യഹൂ ത​​െൻറ ഓൺലൈൻ ഗെയിമിങ്​ കമ്പനിയായ ബെയ്​ജിങ്​ കുൻലനി​​െൻറ 110 കോടിയുടെ ഓഹരിയാണ്​ മുൻഭാര്യ ലി ക്വോങിന്​ സിവിൽ കോടതി ഒത്തുതീർപ്പിലൂടെ നൽകേണ്ടി വന്നത്​. 

ലോകത്തിലെ ഏറ്റവും 'ചെലവേറിയ' വിവാഹമോചനം ആമസോൺ സ്​ഥാപകൻ ജെഫ്​ ബെസോസും മുൻ ഭാര്യ മക്കൻസിയും തമ്മിലുള്ളതാണ്​​. ബെസോസിന്‍റെ പക്കലുണ്ടായിരുന്ന ആമസോണിന്‍റെ 16.3 ശതമാനം ഓഹരികളില്‍ നാലുശതമാനമാണ് മക്കെന്‍സിക്ക് ലഭിച്ചത്​. 480 കോടി ഡോളർ ആസ്​തിയുള്ള മക്കൻസി നിലവിൽ ലോകത്തെ ഏറ്റവും സമ്പന്നയായ നാലാമത്തെ വനിതയാണ്​.