ഇന്ത്യൻ കമ്പനികളിൽ കണ്ണുവെച്ച്​ ചൈന; നയംമാറ്റി കേന്ദ്രസർക്കാർ

ന്യൂഡൽഹി: നേരിട്ടുള്ള വിദേശനിക്ഷേപ നയത്തിൽ മാറ്റം വരുത്തി ഇന്ത്യ. ചൈനയുൾപ്പടെയുള്ള രാജ്യങ്ങൾ കോവിഡ്​ 19 വൈറസ ്​ ബാധ മുതലാക്കി വൻതോതിൽ ഇന്ത്യൻ കമ്പനികളിൽ നിക്ഷേപത്തിനൊരുങ്ങുന്നുവെന്ന റിപ്പോർട്ടുകൾക്കിടെയാണ്​ തീരു മാനം. പുതിയ തീരുമാന പ്രകാരം ഇന്ത്യയുടെ അയൽരാജ്യങ്ങൾ കമ്പനികളിൽ നിക്ഷേപം നടത്തു​േമ്പാൾ കേന്ദ്രസർക്കാറി​​െൻറ മുൻകൂർ അനുമതി വാങ്ങണം.

പുതിയ നിയമപ്രകാരം വിദേശരാജ്യങ്ങളിലുള്ളവർക്ക്​ കമ്പനിയുടെ ഉടമസ്ഥാവകാശം മാറ്റി നൽകു​േമ്പാഴും മുൻകൂർ അനുമതി തേടണം. ​ചൈനയുൾപ്പടെയുള്ള രാജ്യങ്ങൾക്ക്​ പുതിയ തീരുമാനം ബാധമാവും.പാകിസ്​താനും ബംഗ്ല​ാദേശും സമാനമായ ചട്ടങ്ങൾ നേരിട്ടുള്ള വിദേശനിക്ഷേപത്തിൽ നേരത്തെ അവതരിപ്പിച്ചിരുന്നു.

കോവിഡ്​ 19 വൈറസ്​ ബാധ രൂക്ഷമായിരിക്കെ എച്ച്​.ഡി.എഫ്​.സി ബാങ്കിൽ ചൈന നിക്ഷേപം നടത്തിയിരുന്നു. ഓഹരി വിപണിയിലെ ഇടിവ്​ മുതലാക്കിയായിരുന്നു ചൈനയുടെ നിക്ഷേപം. ഈ രീതിയിൽ ഒരുപാട്​ ഇന്ത്യൻ കമ്പനികളിൽ ചൈന നിക്ഷേപം നടത്താൻ ഒരുങ്ങുന്നുവെന്ന റിപ്പോർട്ടുകൾ പുറത്ത്​ വന്നതോടെയാണ്​ കേന്ദ്രസർക്കാർ കളംമാറ്റിയത്​.