Top
Begin typing your search above and press return to search.
exit_to_app
exit_to_app
Homechevron_rightBusinesschevron_rightBiz Newschevron_rightനിയമ യുദ്ധത്തിലൂടെ...

നിയമ യുദ്ധത്തിലൂടെ വീണ്ടും ടാറ്റയുടെ അമരത്തേക്ക്​ മിസ്​ത്രി

text_fields
bookmark_border
നിയമ യുദ്ധത്തിലൂടെ വീണ്ടും ടാറ്റയുടെ അമരത്തേക്ക്​ മിസ്​ത്രി
cancel

ന്യൂഡൽഹി: ടാറ്റ ​ഗ്രൂപ്പി​​െൻറ എക്​സിക്യൂട്ടീവ്​ ചെയർമാനായി സൈറസ്​ മിസ്​ത്രിയെ നിയമിക്കാൻ ദേശീയ കമ്പനി നിയമ അപ്പലേറ്റ്​ ട്രിബ്യൂണലി​​െൻറ ഉത്തരവ്​. ഇപ്പോൾ എക്​സിക്യൂട്ടീവ്​ ചെയർമാൻ പദവിയിലിരിക്കുന്ന എൻ. ചന്ദ്രശേഖര​​​െൻറ നിയമനം നിയമവിരുദ്ധമ​ാണെന്നും ഉത്തരവിൽ പറഞ്ഞു.

ടാറ്റ ഗ്രൂപ്പ്​ മുൻ ചെയർമാനായിരുന്ന സൈറസ്​ മിസ്​ത്രിയെ പദവിയിൽ നിന്ന്​ മാറ്റുകയായിരുന്നു. കമ്പനിക്കും ഓഹരി ഉടമകൾക്കും മിസ്​ത്രിയിലുള വിശ്വാസം നഷ്​ടപ്പെട്ടുവെന്ന്​ ചൂണ്ടിക്കാണിച്ചാണ്​ അദ്ദേഹത്തെ പദവിയിൽ നിന്ന്​ പുറത്താക്കിയത്​.

ഇതിനെതിരെ മിസ്​ത്രിയു​െട നേതൃത്വത്തിലുള്ള സൈറസ്​ ഇൻവെസ്​റ്റ്​മ​െൻറ്​സ്​, സ്​റ്റെർലിങ്​ ഇൻവെസ്​റ്റ്​മ​െൻറ്​സ്​ കോർപ്പറേഷൻ എന്നീ നിക്ഷേപ കമ്പനികൾ നൽകിയ ഹരജിയിലാണ്​ ട്രിബ്യൂണൽ വിധി പറഞ്ഞത്​.

സൈറസ്​ മിസ്​ത്രിയെ എക്​സിക്യൂട്ടീവ്​ ചെയർമാനാക്കിയ ട്രിബ്യൂണൽ ഉത്തരവിനെതിരെ ടാറ്റ ഗ്രൂപ്പിന്​ സുപ്രീംകോടതിയെ സമീപിക്കാം. ഇതിനായി ട്രിബ്യൂണൽ നാലാഴ്​ച സമയം അനുവദിച്ചിട്ടുണ്ട്​.

ചെറുകിട ഓഹരി ഉപഭോക്താക്കളോട്​ ടാറ്റ സൺസിന്​ പക്ഷപാതപരമായ നിലപാടാണ്​ ഉണ്ടായിരുന്നതെന്നും മിസ്​ത്രിയെ ഒഴിവാക്കിയ നടപടി വേണ്ടത്ര ആലോചിക്കാതെ​െയടുത്ത തീരുമാനമാണെന്നും ട്രിബ്യൂണൽ നിരീക്ഷിച്ചു.

എസ്​.ജെ. മുഖോപാധ്യായ അധ്യക്ഷനായ രണ്ടംഗ ദേശീയ കമ്പനി നിയമ അപ്പലേറ്റ്​ ട്രിബ്യൂണലാണ്​ ഉത്തരവിട്ടത്​.

Show Full Article
TAGS:NCLAT cyrus mistry tata group Business News malayalam news 
News Summary - NCLAT restores Cyrus Mistry as executive chairman of Tata Sons -business news
Next Story