Begin typing your search above and press return to search.
exit_to_app
exit_to_app
Homechevron_rightBusinesschevron_rightBiz Newschevron_rightപാതി സ്വത്ത്​...

പാതി സ്വത്ത്​ മനുഷ്യാവകാശ പ്രവർത്തനങ്ങൾക്ക്​; നന്ദൻ നിലേകനിയും ഭാര്യ രോഹിണിയും ഗിവിങ്​ പ്ലഡ്​ജിൽ

text_fields
bookmark_border
Nandan-Nilekani-and-Rohini-with-Bill-Gates
cancel
camera_alt????? ?????????? ????? ?????????? ??? ????????????????

ബെംഗളൂരു: ഇൻഫോസിസ്​ ചെയർമാൻ നന്ദൻ നിലേകനിയും ഭാര്യ രോഹിണിയും സ്വത്തി​​​െൻറ പാതി മനുഷ്യാവകാശ പ്രവർത്തനങ്ങൾക്കായി മാറ്റിവെക്കുന്ന കോടീശ്വരൻമാരുടെ ക്ലബ്ബായ ‘ഗിവിങ്​ പ്ലഡ്​ജി’ൽ അംഗത്വം സ്വീകരിച്ചു. ബിൽഗേറ്റ്​സ്​, മെലിൻഡ ഗേറ്റ്​സ്​, വാറൻ ബഫറ്റ്​ എന്നിവർ ചേർന്ന്​ 2010 ആഗസ്​തിലാണ്​ ക്ലബ്ബ്​ രൂപീകരിച്ചത്​. മനുഷ്യാവകാശ പ്രവർത്തനങ്ങൾക്ക്​ സമ്പാദ്യം മാറ്റിവെക്കുന്നതിനായി കോടീശ്വരൻമാരെ പ്രോത്​സാഹിപ്പിക്കുന്നതിനായാണ്​ ക്ലബ്ബ്​ രൂപീകരിച്ചത്​. 

ക്ലബ്ബിൽ അംഗമാകുന്ന നാലാമത്തെ ഇന്ത്യക്കാരനാണ്​ നിലേകനി. വിപ്രോ ചെയർമാൻ അസിം പ്രേംജി, ബയോകോൺ ചെയർമാൻ കിരൺ മസുംദാർ ഷാ, ശോഭ ഡെവലപ്പേഴ്​സ്​ ചെയർമാൻ പി.എൻ.സി മേനോൻ എന്നിവരാണ്​ നിലേകനിക്ക്​ മു​േമ്പ ക്ലബ്ബിൽ അംഗത്വം നേടിയവർ. നിലേകനി വന്നതോ​ടെ ക്ലബ്ബിൽ 21 രാജ്യങ്ങളിൽ നിന്നായി 171 അംഗങ്ങളുണ്ട്​. 

‘ഫലം ഇച്ഛിക്കാതെ കർമം ചെയ്യുക’ എന്ന ഭഗവദ്​ ഗീതയിലെ വാചകം ഉദ്ധരിച്ചുകൊണ്ടാണ്​  നിലേകനിയും രോഹിണിയും ക്ലബ്ബിൽ അംഗത്വം തേടിയത്​. 

സംരംഭകത്വ​ത്തോടുള്ള അഭിനിവേശം എങ്ങനെയാണ്​ നിലേകനി മാനവികതയിലേക്ക്​ മാറ്റിയതെന്ന്​ താൻ അത്​ഭുതപ്പെടുന്നു. നിലേകനിക്കും ഭാാര്യ ​േരാഹിണിക്കും ഗിവിങ്​ പ്ലഡ്​ജിലേക്ക്​ സ്വാഗതമെന്നും ബിൽഗേറ്റ്​സ്​ ട്വീറ്റ്​ ചെയ്​തു. 

ബിൽ ഗേറ്റ്​സിന്​ നന്ദി പറഞ്ഞ നിലേകനി, മനുഷ്യാവകാശങ്ങൾക്ക്​ വേണ്ടി രണ്ട്​ ദശകങ്ങളായി രോഹിണി നടത്തിയ യാത്രയും അവരുടെ ആത്​മസമർപ്പണവുമാണ്​ ഇൗ തീരുമാനത്തിലേക്ക്​ നയിച്ചതെന്നും മറുപടി നൽകി. 

കുടിവെള്ള, ശൗചാലയ വിഷയങ്ങൾ കൈകാര്യം ചെയ്യുന്നതിനായി അർഘ്യം എന്ന പേരിൽ 20 വർഷമായി സംഘടന രോഹിണി നിലേകനി മുന്നോട്ടു കൊണ്ടുപോകുന്നുണ്ട്​​. എല്ലാ കുട്ടികൾക്കും വിദ്യാഭ്യാസം ഉറപ്പാക്കാൻ ഏക് ​സ്​റ്റെപ്പ്​ എന്ന പേരിൽ 2014ൽ പുതിയ സന്നദ്ധ സംഘടനയും ദമ്പതികൾ തുടങ്ങിയിരുന്നു. 

Show Full Article
TAGS:Nandan Nilekani infosys Giving Pledge Bill Gates business news malayalam news 
News Summary - Nandan Nilekani, Wife Pledge Half Their Wealth For Philanthropy -Business News
Next Story