അംബാനി ഇനി വാറൻ ബഫറ്റിനേക്കാൾ സമ്പന്നൻ; ലോകത്ത്​ എട്ടാമത്​

മുംബൈ: കോവിഡ്​ മഹാമാരി ഒരു വശത്ത്​ സർവ്വ മേഖലയിലും ആഘാതം സൃഷ്​ടിച്ച്​ മുന്നേറു​േമ്പാഴും ഇന്ത്യയിലെ ഏറ്റവും വലിയ സമ്പന്നനും റിലയന്‍സ് ഇന്‍ഡസ്ട്രീസ് ലിമിറ്റഡ് ചെയര്‍മാനുമായ മുകേഷ്​ അംബാനിക്ക്​ 2020 എന്ന വർഷം ഒരു റോളർകോസ്റ്ററാണ്​. ലോക്​ഡൗൺ കാലത്തും വന്യമായ മുന്നേറ്റം നടത്തിയ അംബാനി ബ്ലൂംബെര്‍ഗ് ബില്യണയേഴ്‌സ് ഇന്‍ഡക്‌സില്‍ ലോകത്തെ ഏറ്റവും വലിയ സമ്പന്നൻമാരിൽ എട്ടാമനാണ്​. പ്രമുഖ നിക്ഷേപകനും ശതകോടീശ്വരനുമായി വാറന്‍ ബഫറ്റിനെ പിന്നിലാക്കിയാണ് മുകേഷ് അംബാനി എട്ടാമതായത്​. 

ഏഷ്യന്‍ രാജ്യങ്ങളില്‍ നിന്ന് ആദ്യ പത്ത് സമ്പന്നരുടെ പട്ടികയില്‍ ഇടം നേടിയ ഏക വ്യവസായി കൂടിയാണ്​ അംബാനി. ത​​െൻറ സമ്പാദ്യത്തില്‍ നിന്ന് 290 കോടി ഡോളര്‍ ചാരിറ്റി പ്രവര്‍ത്തനങ്ങള്‍ക്കായി നല്‍കിയതാണ് 89കാരനായ വാറന്‍  ബഫെറ്റി​​െൻറ സമ്പാദ്യം ഇടിയാന്‍ കാരണമായത്. നേരത്തെ ഫോർബ്സ് തയാറാക്കിയ പട്ടികയിലും ടോപ്​ 10ൽ അംബാനി ഇടംനേടിയിരുന്നു.

68.3 ബില്യൺ  (6830 കോടി) ഡോളര്‍ ആസ്തിയാണ് മുകേഷ് അംബാനിക്കുള്ളതെന്നാണ് കണക്ക്​. അതേസമയം, 6790 കോടി ഡോളറാണ് വാറന്‍ ബഫെറ്റി​​െൻറ ആസ്തി. ബ്ലൂംബെര്‍ഗ് ബില്യണയേഴ്‌സ് സൂചിക പ്രകാരം റിലയൻസി​​െൻറ ഒാഹരി വില മാർച്ചിലെ ചെറിയ തിരിച്ചടിക്ക്​ ശേഷം ഇരട്ടിയോളമായതാണ്​ സമ്പത്ത്​ ഗണ്യമായി വർധിക്കാൻ കാരണം. ഫെയ്‌സ്ബുക്ക്.ഇങ്ക്, സിൽവർ ലേക്ക് എന്നിവയുൾപ്പെടെയുള്ള കമ്പനികളിൽ 1500 കോടി ഡോളറിലധികം നിക്ഷേപം ലഭിച്ചതിനാൽ ഓഹരികൾ മാർച്ചിലെ ഏറ്റവും കുറഞ്ഞ നിരക്കിനേക്കാൾ ഇരട്ടിയാവുകയായിരുന്നു.

കഴിഞ്ഞ ഏതാനും​ മാസങ്ങളായി മുകേഷ്​ അംബാനിയുടെ റിലയൻസ്​ ജിയോയിലേക്ക്​ ആഗോള ഭീമൻമാരുടെ നിക്ഷേപ പെരുമഴയാണ്​. ഫേസ്ബുക്ക്(43,574 കോടി), സില്‍വര്‍ ലെയ്ക്ക് (10,202  കോടി), കെ.കെ.ആര്‍, വിസ്ത ഇക്വിറ്റി പാര്‍ട്ണര്‍മാര്‍ (11,376 കോടി വീതം), ജനറല്‍ അറ്റ്‌ലാൻറിക്​ (6600 കോടി), അബുദാബി ഇന്‍വെസ്റ്റ്മ​​െൻറ്​ അതോറിറ്റി 5,683.50 കോടി രൂപ എന്നിങ്ങനെയാണ്​ നിക്ഷേങ്ങൾ.

റിലയൻസ്​ ഇൻഡസ്​ട്രീസ്​ അതിൻെറ സുവർണ്ണ കാലഘട്ടത്തിലാണ്​ ഇപ്പോഴുള്ളതെന്ന്​ മുകേഷ്​ അംബാനി പറഞ്ഞിരുന്നു. കടമില്ലാത്ത അവസ്ഥയിലേക്ക്​ റിലയൻസ്​ എത്തി. 2021 മാർച്ചിൽ പൂർത്തികരിക്കാനിരുന്ന സ്വപ്​നം ഇപ്പോൾ തന്നെ സഫലമാക്കാൻ കഴിഞ്ഞെന്നും അംബാനി അവകാശപ്പെട്ടിരുന്നു.

ബ്ലൂംബെര്‍ഗ് ബില്യണയേഴ്‌സ് ഇന്‍ഡക്‌സ്​ - ടോപ്​ 10 സമ്പന്നർ

• ആമസോൺ സ്ഥാപകൻ ജെഫ്​ ബസോസ്​ - 188 ബില്യൺ ഡോളർ
• മൈക്രോസോഫ്റ്റ്​ തലവൻ ബിൽ ഗേറ്റ്​സ്​ - 115 ബില്യൺ ഡോളർ
• എൽ.വി.എച്ച്​.എം ചീഫ്​ എക്​സിക്യൂട്ടീവ്​ ബെർണാർഡ്​ ആർനോൾട്ട്​ - 92.8 ബില്യൺ ഡോളർ
• ഫേസ്​ബുക്കി​​െൻറ മാർക്ക്​ സക്കർബർഗ്​ - 92.7 ബില്യൺ ഡോളർ
• അമേരിക്കൻ വ്യവസായി സ്റ്റീവ്​ ആൻറണി ബാൽമർ - 77 ബില്യൺ ഡോളർ
• അമേരിക്കൻ കംപ്യൂട്ടർ ശാസ്​ത്രജ്ഞൻ ലാരി പേജ്​ 71.7 ബില്യൺ ഡോളർ
• ഗൂഗ്​ൾ കോ ഫൗണ്ടർ സെർജി ബ്രിൻ - 69.5 ബില്യൺ ഡോളർ
• റിലയൻസ്​ ഇൻഡസ്​ട്രീസി​​െൻറ മുകേഷ്​ അംബാനി 68.3 ബില്യൺ ഡോളർ
• വ്യവസായി വാരൻ ബഫറ്റ്​ 67.9 ബില്യൺ ഡോളർ
• ലാരി എല്ലിസൺ 65.8 ബില്യൺ ഡോളർ