റിലയൻസിൻെറ നാല്​ ദിവസത്തെ നഷ്​ടം 96,000 കോടി

18:18 PM
09/05/2019
mukesh-ambani-23

മുംബൈ: ഇന്ത്യൻ ഓഹരി വിപണിയിൽ മുകേഷ്​ അംബാനിയുടെ ഉടമസ്ഥതയിലുള്ള റിലയൻസ്​ ഇഡസ്​ട്രീസിന്​ നാല്​ ദിവസം കൊണ്ടുണ്ടായ നഷ്​ടം 96,000 കോടി. ബോംബെ സൂചികയിലാണ്​ റിലയൻസിന്​ കനത്ത നഷ്​ടം നേരിട്ടത്​. ഓഹരി വിപണിയിലെ റിലയൻസിൻെറ ആകെ മൂല്യം 8 ലക്ഷം കോടിക്കും താഴെ പോയി. 

വ്യാഴാഴ്​ച ബോംബെ സൂചികയിൽ റിലയൻസ്​ 1,255.15 രൂപക്കാണ്​ വ്യാപാരം അവസാനിപ്പിച്ചത്​. ഇന്ന്​ മാ​ത്രം മൂന്ന്​ ശതമാനത്തിൻെറ നഷ്​ടം റിലയൻസിന്​ ഉണ്ടായി. ഏകദേശം 8,91,885.91 കോടി ആയിരുന്നു ഓഹരി വിപണിയിലെ റിലയൻസിൻെറ ആകെ മൂല്യം. ഇതിൽ നിന്നാണ്​ കമ്പനി കനത്ത തിരിച്ചടിയിലേക്ക്​ കൂപ്പുകുത്തിയത്​.

മോർഗൻ സ്​റ്റാൻലി റിലയൻസിൻെറ റേറ്റിങ്​ കുറച്ചതാണ്​ കമ്പനിക്ക്​ കനത്ത തിരിച്ചടി നൽകിയത്​. എണ്ണ വ്യവസായത്തിൽ പ്രതീക്ഷിക്കുന്ന തിരിച്ചടിയാണ്​ റിലയൻസിൻെറ റേറ്റിങ്​ കുറക്കാൻ മോർഗൻ സ്​റ്റാൻലിയെ പ്രേരിപ്പിച്ചത്​. കഴിഞ്ഞ വർഷം ഓഹരി വിപണിയിൽ മികച്ച പ്രകടനം കാഴ്​ചവെച്ച കമ്പനികളിലൊന്നാണ്​ റിലയൻസ്​ ഇൻഡസ്​ട്രീസ്​.

Loading...
COMMENTS