മുദ്ര വായ്​പ പദ്ധതി ആർ.ബി.ഐക്ക്​ പുതിയ തലവേദന

മുംബൈ: നരേന്ദ്രമോദി സർക്കാർ 2015ൽ നടപ്പിലാക്കിയ മുദ്ര വായ്​പ പദ്ധതിക്കെതിരെ ആർ.ബി.ഐ. മുദ്രവായ്​പകളിലെ കിട്ടാകട ം വർധിച്ച സാഹചര്യത്തിലാണ്​ ആർ.ബി.ഐയുടെ മുന്നറിയിപ്പ്​. സുസ്ഥിരമല്ലാത്ത വായ്​പകൾ ബാങ്കുകളെ പ്രതിസന്ധിയിലാക്കുമെന്നാണ്​ ബാങ്കുകൾക്ക്​ ആർ.ബി.ഐ ഡെപ്യൂട്ടി ഗവർണർ ​എം.കെ ജെയിൻ നൽകുന്ന മുന്നറിയിപ്പ്​.

2015 ഏപ്രിലിലാണ്​ മോദി സർക്കാർ മുദ്ര പദ്ധതിക്ക്​ തുടക്കം കുറിച്ചത്​. ചെറുകിട വ്യവസായങ്ങൾക്ക്​ 10 ലക്ഷം വരെ വായ്​പ നൽകുന്നതാണ്​ പദ്ധതി. ബാങ്കുകൾ, ബാങ്കിതര ധനകാര്യ സ്ഥാപനങ്ങൾ, ആർ.ആർ.ബി, സഹകരണ ബാങ്കുകൾ എന്നിവരെല്ലാം മുദ്രവായ്​പകൾ നൽകിയിരുന്നു.

നേരത്തെയും മുദ്രവായ്​പകൾക്ക്​ എതിരെ ആർ.ബി.ഐ രംഗത്തെത്തിയിരുന്നു. എന്നാൽ, അന്നത്തെ ധനമന്ത്രിയായിരുന്ന അരുൺ ജെയ്​റ്റ്​ലി ആർ.ബി.ഐ വാദങ്ങൾ തള്ളുകയായിരുന്നു.