ഇന്ത്യയുടെ റേറ്റിങ്​ വീണ്ടും താഴ്​ത്തി മൂഡീസ്​

ന്യൂഡൽഹി: രാജ്യാന്തര ക്രെഡിറ്റ്​ റേറ്റിങ്​ ഏജൻസിയായ മൂഡീസ്​ ഇൻവെസ്​റ്റേഴ്്സ്​ സർവിസ്​ ഇന്ത്യയുടെ റേറ്റിങ്​ താഴ്ത്തി.  റേറ്റിങ്​ ബി.എ.എ 2ൽ നിന്ന്​ ബി.എ.എ 3ലേക്കാണ്​ മൂഡീസ്​ ഇന്ത്യയുടെ താഴ്​ത്തിയത്​. മൂഡീസി​​െൻറ താഴ്​ന്ന റേറ്റിങ്ങിലൊന്നാണ്​ ബി.എ.എ 3.  

നേരത്തേ രാജ്യത്തെ ജി.ഡി.പി വളർച്ച നിരക്ക്​ 2.5 ശതമാനമായി മൂഡീസ്​ വെട്ടിക്കുറച്ചിരുന്നു. കോവിഡ്​ ബാധയുടെ പശ്ചാത്തലത്തിലാണ്​ ​വളർച്ച നിരക്ക്​ കുത്തനെ വെട്ടിക്കുറച്ചത്​. 

കോവിഡിന്​ പുറമെ രാജ്യത്തെ സാമ്പത്തിക പരിഷ്​കാര നടപടികൾ നടപ്പാക്കുന്നതിലെ വീഴ്​ച, മന്ദഗതിയിലുള്ള സാമ്പത്തിക വളർച്ച, കേന്ദ്ര സംസ്​ഥാന സർക്കാരുകളുടെ സാമ്പത്തിക പ്രതിസന്ധി, ഇന്ത്യൻ സമ്പദ്​വ്യവസ്​ഥ നേരിടുന്ന സമ്മർദ്ദം തുടങ്ങിയവയാണ്​ റേറ്റിങ്​ താഴ്​ത്താനുള്ള കാരണണമായി​ മൂഡീസ്​ പറയുന്നത്​.