Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightBusinesschevron_rightBiz Newschevron_rightമിനി ലോക്​ഡൗണുകൾ...

മിനി ലോക്​ഡൗണുകൾ സമ്പദ്​വ്യവസ്ഥക്ക്​ കനത്ത ആഘാതമുണ്ടാക്കുമെന്ന്​ ആശങ്ക

text_fields
bookmark_border
മിനി ലോക്​ഡൗണുകൾ സമ്പദ്​വ്യവസ്ഥക്ക്​ കനത്ത ആഘാതമുണ്ടാക്കുമെന്ന്​ ആശങ്ക
cancel

ന്യൂഡൽഹി: രാജ്യവ്യാപകമായ ലോക്​ഡൗണിൽ ഇളവുകൾ വരികയാണെങ്കിലും രോഗവ്യാപനം കൂടിയ പല മേഖലകളിലും ഏർപ്പെടുത്തുന്ന പ്രാദേശികമായ ലോക്​ഡൗണുകൾ സമ്പദ്​വ്യവസ്ഥക്ക്​ കനത്ത ആഘാതമുണ്ടാക്കുമെന്ന്​ സൂചന. കൺസ്യൂമർ ഉൽപന്നങ്ങൾ, ഓ​ട്ടോമൊബൈൽ, ഇ-കോമേഴ്​സ്​ കമ്പനികൾ എന്നിവക്ക്​ ഇത്​ തിരിച്ചടിയുണ്ടാക്കുമെന്നാണ്​ റിപ്പോർട്ട്​.

ഉത്തർപ്രദേശിൽ ശനി, ഞായർ ദിവസങ്ങളിൽ സംസ്ഥാന സർക്കാർ സമ്പൂർണ്ണ ലോക്​ഡൗൺ പ്രഖ്യാപിച്ചിരുന്നു. വ്യവസായ നിർമ്മാണശാലകൾക്ക്​ പ്രവർത്തിക്കാൻ അനുമതി നൽകിയിട്ടുണ്ടെങ്കിലും ഒപ്പോ, വിവോ, ഡിക്​​സോൺ തുടങ്ങിയ നോയിഡയിലും ഗ്രേറ്റർ നോയിഡയിലുമായി പ്രവർത്തിക്കുന്ന പല കമ്പനികളും പൂർണമായ രീതിയിൽ ഉൽപാദനം നടത്താൻ കഴിയുമോ എന്ന്​ ആശങ്ക പ്രകടപ്പിച്ചു കഴിഞ്ഞു​. തൊഴിലാളികൾക്ക്​ കമ്പനികളിലെത്താനുൾപ്പടെ ബുദ്ധിമുട്ട്​ നേരിടുമെന്നാണ്​ ഇവർ ചൂണ്ടിക്കാണിക്കുന്നു​. പ്രാദേശികമായി ഏർപ്പെടുത്തിയ ലോക്​ഡൗൺ മൂലം മഹാരാഷ്​ട്ര, യു.പി, ​പശ്​ചിമബംഗാൾ, അസം, ബിഹാർ എന്നിവിടങ്ങളിൽ വാഹന വിൽപന കുറഞ്ഞതായി വാഹനനിർമ്മാതാക്കളും വ്യക്​തമാക്കുന്നു.

യു.എസ്​ മൊബൈൽ കമ്പനിയായ ആപ്പിൾ ഭീവണ്ടിയിലെ വിതരണശാല അടച്ചിരുന്നു. നഗരത്തിൽ പ്ര​ഖ്യാപിച്ച ലോക്​ഡൗണിനെ തുടർന്നായിരുന്നു ആപ്പിളിൻെറ നടപടി. ഇതുമൂലം രാജ്യത്തെ ഓഫ്​ലൈൻ വിതരണക്കാർക്ക്​ ഫോണെത്തിക്കാൻ കഴിയുന്നില്ലെന്ന്​ ആപ്പിളിൻെറ പ്രതിനിധികൾ പറഞ്ഞു. ആപ്പിളിന്​ പുറമേ മറ്റ്​ നിരവധി കമ്പനികൾക്കും ഭീവണ്ടിയിൽ സംഭരണശാലകളുണ്ട്​. 

ഇ-കോമഴ്​സ്​ കമ്പനികളാണ്​ തിരിച്ചടി നേരിടുന്ന മറ്റൊരു വിഭാഗം. ആമസോൺ, ഫ്ലിപ്​കാർട്ട്​ തുടങ്ങിയ ഓൺലൈൻ ഷോപ്പിങ്​ സൈറ്റുകളുടെയൊക്കെ സംഭരണശാലകളെല്ലാം രോഗവ്യാപനം കൂടിയ സ്ഥലങ്ങളിലാണ്​​. നവി മുംബൈ, ചെന്നൈ തുടങ്ങിയ സ്ഥലങ്ങളിൽ ലോക്​ഡൗൺ പ്രഖ്യാപിച്ചതോടെയാണ്​ ഓൺലൈൻ സൈറ്റുകളും പ്രതിസന്ധിയിലായത്​.  പ്രാദേശിക ​ലോക്​ഡൗൺ നില നിൽക്കുന്ന പ്രദേശങ്ങളിൽ വാഹന വിൽപനയിൽ 10 ശതമാനം ഇടിവുണ്ടായെന്നാണ്​ വാഹന ഉൽപാദകർ വ്യക്​തമാക്കുന്നത്​. ​വിൽപനയിലെ കുറവിൻെറ കാര്യം ടോയോട്ടയും ഹോണ്ടയും  സമ്മതിച്ചിട്ടുണ്ട്​. 

നിരവധി പ്രദേശങ്ങൾ ലോക്​ഡൗണിലേക്ക്​ പോയതോടെ തിരിച്ചുവരവിൻെറ പാതയിലുള്ള സമ്പദ്​വ്യവസ്ഥയിൽ വീണ്ടും ഇത്​ പ്രതിസന്ധി സൃഷ്​ടിക്കുമോയെന്ന ആശങ്ക ഉയർന്നു കഴിഞ്ഞു. വീണ്ടും വിപണികളിലേക്ക്​ എത്തിയ ഉപഭോക്​താക്കളെ ലോക്​ഡൗണുകൾ  വീടിനുള്ളിലാക്കുമെന്നാണ്​ കമ്പനികളുടെ പ്രധാന ആശങ്ക. 

Show Full Article
TAGS:lockdown ecnomic crisis business news malayalam news 
Next Story