നോട്ട്​ പിൻവലിക്കൽ: സമ്പദ്​വ്യവസ്ഥക്ക്​ 1.5 ലക്ഷം കോടിയുടെ നഷ്​ടമുണ്ടാക്കി-മൻമോഹൻ

സൂറത്ത്​: നവംബർ എട്ടിലെ നോട്ട്​ പിൻവലിക്കൽ തീരുമാനം മൂലം സമ്പദ്​വ്യവസ്ഥക്ക്​ 1.5 ലക്ഷം കോടിയുടെ നഷ്​ടമുണ്ടായെന്ന്​ മുൻ പ്രധാനമന്ത്രി മൻമോഹൻ സിങ്​. തീരുമാനം മുലം സാമ്പത്തിക വർഷത്തി​​െൻറ ആദ്യപാദത്തിൽ ജി.ഡി.പി വളർച്ച നിരക്ക്​ 5.7 ശതമാനത്തിലേക്ക്​ താഴ്​ന്നുവെന്നും മൻമോഹൻ പറഞ്ഞു. ഗുജറാത്തിലെ സൂറത്തിൽ കോൺഗ്രസ്​ തെരഞ്ഞെടുപ്പ്​ പ്രചാരണ യോഗത്തിൽ സംസാരിക്കുകയായിരുന്നു മൻമോഹൻ.

യു.പി.എ ഭരണകാലത്ത്​ ജി.ഡി.പിയിൽ 10.6 ശതമാനം വളർച്ചയുണ്ടായിരുന്നു. നോട്ട്​ പിൻവലിക്കൽ മൂലം നേട്ടമുണ്ടായത്​ ചൈനക്ക്​ മാത്രമാണ്​. ജി.എസ്​.ടിയും സമ്പദ്​വ്യവസ്ഥക്ക്​ തിരിച്ചടിയായിട്ടുണ്ടെന്നും മൻമോഹൻ വ്യക്​തമാക്കി.

നോട്ട്​ പിൻവലിക്കൽ മൂലം കള്ളപ്പണം ചിലർ വെള്ളയാക്കി മാറ്റുകയായിരുന്നു. തീരുമാനം മൂലം രാജ്യത്തെ കർഷകർക്കും വ്യാപാരികൾക്കും വൻ തിരിച്ചടിയുണ്ടായി. ലക്ഷക്കണക്കിന്​ ആളുകളെ വരിയിൽ നിർത്താൻ മാത്രമേ നോട്ട്​ നിരോധനം കൊണ്ട്​ സാധിച്ചിട്ടുള്ളുവെന്നും മൻമോഹൻ വ്യക്​തമാക്കി.