Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightBusinesschevron_rightBiz Newschevron_rightകോവിഡ്​ കാലത്ത്​...

കോവിഡ്​ കാലത്ത്​ ഏറ്റവും ഡിമാൻറുള്ള പത്ത്​ ജോലികൾ; നൈപുണ്യ വികസനം സൗജന്യം

text_fields
bookmark_border
കോവിഡ്​ കാലത്ത്​ ഏറ്റവും ഡിമാൻറുള്ള പത്ത്​ ജോലികൾ; നൈപുണ്യ വികസനം സൗജന്യം
cancel

ന്യൂയോർക്​: കോവിഡ്​ മഹാമാരി ലോകത്ത്​ കടുത്ത സാമ്പത്തിക പ്രതിസന്ധിയോടൊപ്പം ശക്​തമായ തൊഴിലില്ലായ്​മ കൂടിയാണ് സൃഷ്ടിച്ചിരിക്കുന്നത്​​. ജീവനക്കാരെ പിരിച്ചുവിടാൻ കുത്തക കമ്പനികൾ അടക്കം നിർബന്ധിതരായപ്പോൾ അപ്രതീക്ഷിത തിരിച്ചടിയിൽ നിന്നും കരകയറാൻ ആളുകൾ ജോലി തേടിയലയുകയാണ്​. ഇൗ സാഹചര്യത്തിൽ ​െഎ.ടി ഭീമനായ മൈക്രോസോഫ്​റ്റും ലോകത്തിലെ ഏറ്റവും വലിയ പ്രൊഫഷണൽ നെറ്റ്​വർക്ക്​ സൈറ്റായ ലിങ്ക്ഡിന്നും കോവിഡ്​ കാലത്തും തുടർന്നും ഏറ്റവും ഡിമാൻറുള്ള പത്ത്​ ജോലികൾ കണ്ടെത്തിയിരിക്കുകയാണ്​​. 

ജോലിയിലുള്ള കഴിവ്​​ പരിപോഷിപ്പിക്കാൻ സൗജന്യമായി ഒാൺലൈൻ ട്രെയിനിങ്ങുകൾ ലഭിക്കുമെന്നതാണ്​ ഇവർ ലിസ്റ്റ്​ ചെയ്​തിരിക്കുന്ന ജോലികളുടെ പ്രത്യേകത​. 690 മില്യണ്‍ പ്രൊഫഷണലുകളെയും 50 മില്യണ്‍ കമ്പനികളെയും 11 മില്യണ്‍ തൊഴിലവസരങ്ങളും 3600 സ്‌കില്ലുകളും വിശകലനം ചെയ്തതിന്​ ശേഷമാണ്​ ഏറ്റവും ഡിമാൻറുള്ള ജോലികളും അതിന്​ വേണ്ട നൈപുണ്യവും ലിങ്ക്ഡിന്‍ കണ്ടെത്തിയത്. അടുത്ത നാല് വര്‍ഷം വരെ ഏറെ സാധ്യതയുള്ള ജോലികളാണ്​ തെരഞ്ഞെടുത്തത്​. മികച്ച വരുമാനം പ്രധാനംചെയ്യുന്ന ഇൗ ജോലികൾക്ക്​ ആവശ്യമുള്ള സ്‌കില്ലുകള്‍ ഓണ്‍ലൈനിലൂടെ സ്വായത്തമാക്കാനാകുമെന്നതും പ്രത്യേകതയാണ്​.

10 ജോലികള്‍

  • 1. ഡിജിറ്റല്‍ മാര്‍ക്കറ്റര്‍
  • 2. ഐടി സപ്പോര്‍ട്ട്/ ഹെല്‍പ്പ് ഡെസ്‌ക്
  • 3. ഗ്രാഫിക് ഡിസൈനര്‍
  • 4. ഫിനാന്‍ഷ്യല്‍ അനലിസ്റ്റ്
  • 5. ഡാറ്റ അനലിസ്റ്റ്
  • 6. സോഫ്റ്റ്‌വെയര്‍ ഡെവലപ്പര്‍
  • 7. പ്രോജക്റ്റ് മാനേജര്‍
  • 8. സെയ്ല്‍സ് റെപ്രസെന്റേറ്റീവ്
  • 9. ഐടി അഡ്മിനിസ്‌ട്രേറ്റര്‍
  • 10. കസ്റ്റമര്‍ സര്‍വീസ് സ്‌പെഷലിസ്റ്റ്

പത്ത്​ ജോലികള്‍ക്ക് വേണ്ട നൈപുണ്യം വികസിപ്പിക്കുന്നതിനുള്ള ട്രെയ്‌നിങ്​ മൊഡ്യുളുകള്‍ ലിങ്ക്​ഡിൻ തയാറാക്കിയിട്ടുണ്ട്​. ഒരോ മൊഡ്യൂളുകൾ പൂർത്തീകരിക്കു​േമ്പാഴും സര്‍ട്ടിഫിക്കറ്റ് ലഭിക്കും.
 

Show Full Article
TAGS:116399 7537 
Next Story