ജെറ്റ്​ എയർവേ​യ്​സിലെ പ്രതിസന്ധി: പ്രധാനമന്ത്രി​ ഇടപെടണമെന്ന്​ പൈലറ്റുമാർ

ന്യൂ​ഡ​ൽ​ഹി: ശ​മ്പ​ള കു​ടി​ശ്ശി​ക വി​ത​ര​ണം​ചെ​യ്യാ​ൻ ന​ട​പ​ടി​യെ​ടു​ക്ക​ണ​മെ​ന്നാ​വ​ശ്യ​പ്പെ​ട്ട്​ ജെ​റ്റ്​ എ​യ​ർ​വേ​​സ്​ പൈ​ല​റ്റു​മാ​ർ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കും വ്യോ​മ​യാ​ന മ​ന്ത്രി സു​രേ​ഷ്​ പ്ര​ഭു​വി​നും​ ക​ത്ത​യ​ച്ചു. പൈ​ല​റ്റു​മാ​രു​ടെ സം​ഘ​ട​ന​യാ​യ നാ​ഷ​ന​ൽ ഏ​വി​യേ​ഷ​ൻ ഗി​ൽ​ഡാ​ണ്​ (എ​ൻ.​എ.​ജി) ക​ത്തയച്ചത്​. ക​മ്പ​നി ത​ക​ര്‍ച്ച​യു​ടെ വ​ക്കി​ലാ​ണെ​ന്നും ഇ​ത് ആ​യി​ര​ക്ക​ണ​ക്കി​ന് ആ​ളു​ക​ളു​ടെ തൊ​ഴി​ല്‍ ന​ഷ്ട​മാ​കാ​ന്‍ ഇ​ട​യാ​ക്കു​മെ​ന്നും നാ​ഷ​ന​ല്‍ ഏ​വി​യേ​റ്റേ​ഴ്‌​സ് ഗി​ല്‍ഡ് വ്യ​ക്ത​മാ​ക്കി.

മു​ട​ങ്ങി​യ ശ​മ്പ​ളം മാ​ർ​ച്ച്​ 31ന​കം ത​ന്നു​തീ​ർ​ത്തി​ല്ലെ​ങ്കി​ൽ ഏ​പ്രി​ൽ ഒ​ന്നു​മു​ത​ൽ പ​ണി​മു​ട​ക്കു​മെ​ന്ന്​ നേരത്തെ പൈ​ല​റ്റു​മാ​ർ മു​ന്ന​റി​യി​പ്പ്​ ന​ൽ​കി​യിരുന്നു. ശ​മ്പ​ളം മുടങ്ങുന്നത്​ ത​ങ്ങ​ളു​ടെ മാ​നി​കാ​വ​സ്​​ഥ​യെ ബാ​ധി​ക്കു​മെ​ന്നും വി​മാ​ന​ങ്ങ​ളു​ടെ സു​ര​ക്ഷ ഉ​റ​പ്പു​ന​ൽ​കാ​നാ​വി​ല്ലെ​ന്നും എ​ൻ​ജി​നീ​യ​ർ​മാ​രും നി​ല​പാ​ടെ​ടു​ത്തി​രു​ന്നു.

അതേസമയം, സ്​​ഥാ​പ​ന​ത്തി​ൽ പൈ​ല​റ്റു​മാ​ർ​ക്കും എ​ൻ​ജി​നീ​യ​ർ​മാ​ർ​ക്കും ഒ​ഴി​കെ മ​​റ്റു ജീ​വ​ന​ക്കാ​ർ​ക്ക്​ കൃ​ത്യ​സ​മ​യ​ത്ത്​ ശ​മ്പ​ളം ന​ൽ​കു​ന്നു​ണ്ടെ​ന്നും ക​ത്തി​ൽ സം​ഘ​ട​ന ആരോപിക്കുന്നുണ്ട്​. മൂ​ന്നു​മാ​സ​ത്തെ ശ​മ്പ​ള​മാ​ണ്​ മു​ട​ങ്ങി​യി​രി​ക്കു​ന്ന​ത്. നി​ര​വ​ധി​ത​വ​ണ അ​പേ​ക്ഷ ന​ൽ​കി​യെ​ങ്കി​ലും അ​തൊ​ന്നും ചെ​വി​ക്കൊ​ള്ളാ​ൻ അ​ധി​കൃ​ത​ർ ത​യാ​റാ​യി​ട്ടി​ല്ലെ​ന്നും അ​വ​ർ വ്യക്​തമാക്കുന്നു.