ഐ.ആർ.സി.ടി.സിയുടെ ഓഹരി വിൽപന തിങ്കളാഴ്​ച

മുംബൈ: ഇന്ത്യൻ റെയിൽവേ കാറ്ററിങ്​ ടൂറിസം കോർപ്പറേഷൻ ഓഹരികൾ വിൽപനക്കെത്തുന്നു​. തിങ്കളാഴ്​ച മുതൽ ഐ.ആർ.ടി.സിയുടെ ഐ.പി.ഒ ആരംഭിക്കും. ഒക്​ടോബർ മൂന്ന്​ വരെയാണ്​ ഓഹരികൾക്കായി അപേക്ഷിക്കാവുന്ന അവസാന തീയതി. ഓഹരി വിൽപനയിലൂടെ 645 കോടി രൂപ സ്വരൂപിക്കാനാണ്​ ഐ.ആർ.സി.ടി.സിയുടെ നീക്കം.

10 രൂപയാണ്​ ഐ.ആർ.സി.ടി.സി ഓഹരികളുടെ മുഖവില. 2.01 ​േ​കാടി ഓഹരികളാണ്​ വിൽപനക്ക്​ വെച്ചിരിക്കുന്നത്​. 315 മുതൽ 320 വരെയായിരിക്കും ഓഹരികളുടെ വില. പൊതുമേഖല കമ്പനികളുടെ ഓഹരികൾ വിൽക്കുകയെന്ന കേന്ദ്രസർക്കാർ നയത്തിൻെറ ഭാഗമായാണ്​ റെയിൽവേയുടെ ഓഹരി വിൽപന.

കമ്പനിയുടെ 1,60,000 ഓഹരികൾ തൊഴിലാളികൾക്കായി മാറ്റിവെച്ചിട്ടുണ്ട്​. ഓഹരി വിൽപനക്ക്​​ ശേഷം ഐ.ആർ.ടി.സിയുടെ വിപണി മൂല്യം 5,040 മുതൽ 5,120 കോടിയായി ഉയരുമെന്നാണ്​ പ്രതീക്ഷിക്കുന്നത്​.