പണപ്പെരുപ്പം നിയന്ത്രണത്തിലെന്ന്​ നിർമലാ സീതാരാമൻ

12:42 PM
07/09/2019

കൊൽക്കത്ത: രാജ്യത്തെ പണപ്പെരുപ്പം നിയന്ത്രണത്തിലാണെന്ന്​ ധനമന്ത്രി നിർമലാ സീതാരാമൻ. 2014ന്​ ശേഷം പണ​പ്പെരുപ്പം ഉയർന്നിട്ടില്ല. പണപ്പെരുപ്പത്തിൻെറ കാര്യത്തിൽ ആർക്കും സർക്കാറിനെ കുറ്റപ്പെടുത്താൻ കഴിയില്ലെന്നും നിർമലാ സീതാരാമൻ കൂട്ടിച്ചേർത്തു. 

ഇന്ത്യയുടെ റീടെയിൽ പണപ്പെരുപ്പത്തിൽ ജൂലൈയിൽ ചെറിയ കുറവുണ്ടായിരുന്നു. റിസർവ്​ ബാങ്കിൻെറ ഇടക്കാല ലക്ഷ്യമായ നാല്​ ശതമാനത്തിൽ താഴെയാണ്​ തുടർച്ചയായ 12ാം മാസത്തിലും പണപ്പെരുപ്പം. ഇതോടെ ഒക്​ടോബർ മാസത്തിലും റിസർവ്​ ബാങ്ക്​ വായ്​പ പലിശ നിരക്കുകൾ കുറക്കാനുള്ള സാധ്യതയേറി. 

ജൂലൈയിൽ 3.15 ശതമാനമായിരുന്നു പണപ്പെരുപ്പനിരക്ക്​. ജൂണിൽ പണപ്പെരുപ്പ്​ നിരക്ക്​ 3.18 ശതമാനമായിരുന്നു. 2013 നവംബറിൽ 12.17 ശതമാനമായിരുന്ന പണപ്പെരുപ്പ നിരക്കാണ്​ കുറഞ്ഞത്​. ഭക്ഷ്യവസ്​തുകളുടെ വിലയും എണ്ണവിലയും കുറഞ്ഞതോടെയാണ്​ പണപ്പെരുപ്പ നിരക്ക്​ കുറഞ്ഞത്​. ഇതിനൊപ്പം ഉപഭോഗം കുറഞ്ഞതും നിരക്കിനെ സ്വാധീനിക്കുന്നു​. 

Loading...
COMMENTS