Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightBusinesschevron_rightBiz Newschevron_rightതൊഴിലില്ലാതെ എം.ബി.എ...

തൊഴിലില്ലാതെ എം.ബി.എ ബിരുദധാരികൾ

text_fields
bookmark_border
തൊഴിലില്ലാതെ എം.ബി.എ ബിരുദധാരികൾ
cancel

ന്യൂഡൽഹി:1991ലെ സാമ്പത്തിക ഉദാരവൽക്കരണ നയത്തിന്​ ശേഷമാണ്​ എം.ബി.എ എന്ന പഠനശാഖയിൽ വൻകുതിച്ച്​ ചാട്ടമുണ്ടായത്​. ഉദാരവൽക്കര​ണത്തോടെ സ്വകാര്യ മേഖലയിൽ പുരോഗതി ഉണ്ടായി. ഇതേ തുടർന്ന്​ രാജ്യത്തെ നിരവധി വിദ്യഭ്യാസ സ്ഥാപനങ്ങളിൽ മാനേജ്​മ​​െൻറ്​ പഠനം ആരംഭിച്ചു. ആദ്യഘട്ടത്തിൽ മികച്ച ശമ്പളവും ആനുകൂല്യങ്ങളും എം.ബി.എക്കാർക്ക് ലഭിച്ചിരുന്നു. എന്നാൽ, വർഷങ്ങൾ കഴിയും തോറും എം.ബി.എക്കാർക്ക്​ തൊഴിൽ ലഭിക്കാനുള്ള സാധ്യതകൾ കുറയുകയാണെന്ന്​ കണക്കുകൾ പറയുന്നു.

2016-2017 വർഷത്തിൽ കാമ്പസ്​ പ്ലേസ്​മ​​െൻറിലൂടെ ​തൊഴിൽ ലഭിക്കുന്ന എം.ബി.എക്കാരുടെ എണ്ണത്തിൽ വൻ കുറവുണ്ടായതായി എ.​െഎ.സി.ടി.ഇ കണക്കുകൾ പറയുന്നു. ആകെ എം.ബി.എക്കാരിൽ 47 ശതമാനത്തിന്​ മാത്രമേ തൊഴിൽ ലഭിക്കുന്നുള്ളു. കഴിഞ്ഞ അഞ്ച്​ വർഷത്തിനിടയിലെ ഏറ്റവും കുറഞ്ഞ നിരക്കാണിത്​. എന്നാൽ ​െഎ.എ.എമ്മുകളെ ഇൗ കണക്കിൽ ഉൾപ്പെടുത്തിയിട്ടില്ലെന്നാണ്​ എ.​െഎ.സി.ടി.ഇ വ്യക്​തമാക്കുന്നത്​. രാജ്യത്താകമാനം 5,000 എം.ബി.എ ​പഠനകേന്ദ്രങ്ങളാണ്​ ഉള്ളത്​. ഏകദേശം 200,000 വിദ്യാർഥികൾ ഇവിടെ നിന്ന്​ പഠിച്ചിറങ്ങുന്നു.

കാലത്തിനനുസരിച്ച്​ മാറാത്ത സിലബസാണ്​  പ്രശ്​നങ്ങൾ സൃഷ്​ടിക്കുന്നത്​. ​​അടിസ്ഥാന സൗകര്യം പല കോളജുകളിലും കുറവാണ്​. അതുപോലെ തന്ന കോളജുകളുടെ നിലവാരം കൃത്യമായി വിലയിരുത്താനുള്ള ശ്രമങ്ങളും ഉണ്ടാവാറില്ല. ഇതും പ്രശ്​നങ്ങൾ സൃഷ്​ടിക്കുന്നുണ്ട്​. പല വിദ്യാർഥികളും വായ്​പയെടുത്താണ്​ മാനേജ്​മ​​െൻറ്​ പഠനം പൂർത്തിയാക്കുന്നത്​. തൊഴിൽ ലഭിക്കാതെ വിദ്യാർഥികൾക്ക്​ വായ്​പ തിരിച്ചടക്കാനും സാധിക്കുന്നില്ല. ഇത്​ ബാങ്കുകൾക്കും പ്രതിസന്ധി സൃഷ്​ടിക്കുന്നുണ്ട്​. സമാനമായ സ്ഥിതി തന്നെയാണ്​ രാജ്യത്തെ എൻജിനീയറിങ്​ പഠനമേഖലയിലും നിലനിൽക്കുന്നത്​.

Show Full Article
TAGS:mba JOB problem india business news malayalam news 
Web Title - India's MBA crisis: Why fresh graduates are not getting jobs-Business news
Next Story